Borgarstjórnarmeirihluti úti á túni.

Samtök ferðaþjónustunnar (SAF) mótmæla ákvörðun borgaryfirvalda um flutning innanlandsflugvallar úr Vatnsmýrinni. Þau lýsa furðu sinni á ákvörðun meirihluta borgarstjórnar Reykjavíkur að setja í drög að aðalskipulagi borgarinnar ákvörðun um að leggja af norður/suður-brautina árið 2016.

 

Umræðan um Reykjavíkurflugvöll er galin.

 Borgarstjórn Reykjavíkur lætur sem henni komið ekkert við nema eigin rass. Reynar er mér til efs að nokkur meirihluti sé fyrir flutningi vallarins hjá kjósendum.

Og tala um að loka eigi braut árið 2016 sýnir hversu galin umræðan er, með því væri völlurinn eyðilagður og notagildi hans myndi rýrna stórlega.

Innanlandsflug mundi líklega leggjast af og þjóðhagslegur skaði væri vart mælanlegur í milljörðum talið.

Líklega ætlar borgarstjórnin síðan landsmönnum að greiða fyrir nýjan völl meðan þeir mökuðu krókinn á sölu lóða í mýrinni.

Maður verður sorgmæddur að horfa upp á hvað stjórnmálamenn geta lokast inni í eigin hagmunaheimi og koma hvergi auga á sameiginlega hagsmuni og öryggi landsmanna.

Reykjavík mun ekki standa undir höfuðborgarhlutverkinu, úthýsi þeir mikilvægasta samgöngupunkti landsins.

Það er stórkostlega ámælisvert að halda þessari umræðu gangandi og ekki hægt annað en lýsa ábyrgð á hendur stjórnmálamanna sem ekki átta sig á hvaða ferðalagi þeir eru með eitt af fjöreggjum þjóðarinnar. 

SAF mótmæla flutningi flugvallar