BB sagði enga fyrirstöðu, en stóru málin samt órædd.

Efnahags- og skuldamál verða einkum til umræðu á fundi formanna Sjálfstæðisflokksins og Framsóknarflokksins um myndun nýrrar ríkisstjórnar sem gert er ráð fyrir að hefjist upp úr hádegi í dag. Þar með talinn skuldavandi heimilanna.

__________________

Það er gott að þeir félagar fari í að ræða stóru málin.

BB sagði að vísu í vikunni að ekkert væri í kortunum sem kæmi í veg fyrir myndun þessarar ríkisstjórnar.

Það er gott að Sjálfstæðisflokkurinn hefur ákveðið að taka gagrýnilaust við stefnu Framsóknar í skuldamálum heimilanna, málefnis sem flokkurinn var algjörlega mótfallinn í kosningabaráttunni.

Það auðveldar leikinn mikið.

Ýmsir frambjóðendur Sjálfstæðisflokksins höfðu ákveðnar skoðanir á kosningaloforðum Framsóknar og höfðu um þau stór orð í kosningabaráttunni.

Greinilega búið að þagga niður allar slíkar raddir, því ekkert má koma í veg fyrir að Sjálfstæðisflokkurinn gleypi stefnu Framsóknar hráa og órædda.

Samkvæmt fréttum hafa engir þingmenn þessara flokka komið að þessum viðræðum þannig að foringjarnir ganga frá þessu í rólegheitunum í sveitinni.

Svo kvitta þeir bara undir þegar þeir mæta með stjórnarsáttmálann.

Þæglegt að hafa eindregið foringjaræði, það bara flækir málin að burðast með eitthvað leiðinda-lýðræði.

 

Ræða skuldir heimilanna í dag

Athugasemdir

[Guðmundur Ásgeirsson, 10.5.2013 kl. 16:01]

Spurning: eru þessir menn ekki lýðræðislega kjörnir til að þeirra hlutverka sem þeir gegna?

Eða hvað ertu annars að reyna að gefa í skyn?

[Guðjón Sigþór Jensson, 10.5.2013 kl. 23:10]

Þegar Framsókn og Sjallar voru saman í stjórn eða á árunum 1995-2007 jókst skattabyrði þeirra sem minnst báru úr býtum um 13%. Þessir sömu aðilar montuðu sig af að hafa lækkað skatta landsmanna verulega, svona meðaltalslega séð!

Fyrir hátekjumanninn var hagstætt að einungis eitt skattþrep var og á þessu tímabili var eignarskattur afnuminn. Hverjir voru það sem nutu þess einkum?

Nú hefur lekið út að hugmynd sé að lækka vaskinn niður í 21% og gera hann flatann. Þannig hækkar öll matvara úr 7 í 21% þ.e. um heil 14%! Þetta er brjálæðisleg leið og mun koma ASÍ í skotgrafirnar. En BB og SDG telja ríkissjóð auka tekjur sínar verulega.

Það verður ekki auðvelt að mynda ríkisstjórn byggða á kosningaloforðum sem minna einna helst á skýjaborgir. Aðrar eins brattar yfirlýsingar hafa ekki lengi sést norðan Alpafjalla en kosningaraðferð SDG minnir óþægilega á lýðskrum Silvió Berlúskóní.

Nú er sá fýr á leiðinni í tugthúsið.