Ekki undarlegt að þeir hendi ASÍ út.

Heildsalar og kaupmenn sem Morgunblaðið ræddi við eru sammála um að gengisstyrkingin að undanförnu skapi svigrúm til verðlækkana, að því er fram kemur í fréttaskýringu um þetta efni í Morgunblaðinu í dag.

_______________

Þetta kannski varpar ljósi á það af hverju verslanir henda verðlagseftirliti ASÍ út úr búðunum.

Óþægileg staðreynd í ljósi þróunar á markaði.

Af hverju ætli gleymist aldrei að hækka þegar það er frekar regla en undantekning að það " gleymist " að lækka ?

Segja matarverðið að lækka

Athugasemdir

[Magnús I Gíslason (IP-tala skráð) 8.5.2013 kl. 08:22]

Og ekki gleyma því að heimsmarkaðsverð á sumum af þessum vörum er líka búin að lækka umtalsvert.

[Jósef Smári Ásmundsson, 8.5.2013 kl. 09:16]

Grunar að "yfirvofandi" lækkun sé tilkomin af minnkandi neyslu frekar en að kaupmennirnir séu að bregðast við styrkingu krónunnar eða lækkun heimsmarkaðsverðs.Það sýnir það að fólk á að vera vakandi fyrir verðlagningu verslananna sem stuðlar að meiri samkeppni á markaðinum.Aflétting tolla er ekki rétta leiðin þar sem að gefinni reynslu skilar það sé ekki til neytanda.Yfirbygging og fjárfesting í verslunarhúsnæði og reyndar bankastarfsemi líka er alltof mikil hér á landi og almenningur á ekki að borga þann brúsa.

[Þórarinn (IP-tala skráð) 8.5.2013 kl. 09:27]

ein af ástæðum þess að kaupmenn vilja ekki sjá ASÍ í sínum búðum er að kannanir þeirra eru handahófskenndar frá mánuði til mánaðar og alltaf mismunandi hlutir kannaðir og sagðir vera "matarkarfa", sem er náttúrulega fáránlegt ósamræmi. nær væri fyrir ASÍ að taka stórt úrtak af vörum með vítt verðsvið og halda sig við þær vörur til að fá meira samræmi milli kannanna. það væri best fyrir neytendur.

[Kristinn Pétursson, 8.5.2013 kl. 09:45]

Eiga ekki lífeyrissjóðirnir nú stóran hluta í matvörukeðjunum - og einfalt að krefjast lækkunar gróðans á félagslegum grundvelli?

Eða eru lífeyrissjóðirnir nú "úlfurinn undir sauðagærunni"?

Væri kannski betra að Jóhannes eignaðist Bónus aftur?

Þetta eru bara spurningar til að velta fyrir sér

[SonK (IP-tala skráð) 8.5.2013 kl. 10:13]

Önnur ástæða þess að kaupmenn vilja ekki sjá ASÍ í sínum búðum er að ekkert tillit er tekið til hækkana á launum verslunarfólks og breytinga á sköttum, tollum, vörugjöldum og öðrum rekstrarkostnaði sem verið hafa. Gengi er ekki eini hluturinn sem stjórnar verði vöru eins og ASÍ virðist halda.

[óli (IP-tala skráð) 8.5.2013 kl. 20:58]

Sko til. SVÞ með fólk hér til að réttlæta bullið! Sem betur fer er þetta vel tollað og gjaldlagt og verður það áfram sama hvað kauppmenn væla. það sjá alli í gegnum ruglið í þeim. Við skulum bara muna hvað gerðist þegar VSK á veitingastaði var lækkaður!

Krónan styrkist og þá er því stungið í eign vasa. Sama gerist ef tollar og gjöld lækka. Enn já þeir eru jú að þurfa að borga alveg svona 180 næstum á mánuði fyrir að hafa fólk í vinnu á kössunum svo þeim er kannski vorkunn þessum þjófaskríl sem ráða hér matvörumarkaði??

[Guðjón Sigþór Jensson, 8.5.2013 kl. 23:09]

Einkennilegt er að aðilar geti ekki komið sér saman um jafn einfalt mál.

Íslendingar eru sennilega ein sundurlausasta þjóð Evrópu ef ekki heimsins alls!