Byrjaður að draga í land ? Íslandi allt.

Spurður hvort allir eigi von á skuldaleiðréttingu, komist Framsókn til valda, sagði Sigmundur Davíð að á fjórum árum eða frá því að hugmyndirnar voru fyrst kynntar, hefði ýmislegt breyst. 

Hann sagðist hins vegar sannfærður um að flestir skuldarar fengju leiðréttingu. „Ef málum er ekki klúðrað. Engin ástæða er til þess að ætla að menn klúðri málum ef ekkert er gert í fljótfærni.

_______________

Farinn að svara úr og í.

Ljóst er að SDG er að átta sig á að skuldaleiðréttingaloforð hans eru í besta falli á mjög gráu svæði, reyndar fugl í skógi og ekkert í hendi.

Líklega er honum ljóst að Framsókn getur ekki haldið þessari stefnu til streitu, í fyrsta lagi ekkert í hendi, aðferðin sem hann boðar óréttlát þar sem þeir sem skulda mest og eiga mest fengju mest og þeir sem helst þurfa á aðstoð að fengju minnst því þeir skulda minnst þó svo þeir ráði ekki við það.

Sennilega færi enginn flokkur í samstarf við Framsókn haldi þeir þessum óraunhæfu gylliboðum sem skilyrði fyrir stjórnarmyndun.

Þetta veit SDG og þess vegna er hann að draga í land. Þess vegna mun hann ekki þora að mæta formanni Samfylkingar eða nokkrum öðrum þar sem þessi mál væru sérstaklega til umræðu.

Maður sem stendur sperrtur á Þingvöllum með fánann í baksýn, maðurinn sem vill loka Evrópustofu, og þá kannski næst einhverjum völdum sendiráðum er farinn að skelfa mann dálítið.

Minnir óneitanlega á málflutning og uppstillingar sem gjarnan hafa verið notaðar eftir stórkreppur í heiminum með góðum árangri.

Dugar fyrir skuldaleiðréttingu og meiru til

Athugasemdir

[L.Óskar (IP-tala skráð) 7.4.2013 kl. 13:38]

Það virðist samt vera að virka hjá Framsóknarflokknum að lofa því að allir græði......ef þeir komast til valda og geta fundið einhverja utanaðkomandi til að gefa skuldurum peningana sína. Það verður gaman að horfa á SDG eftir kosningar leita að gjafmildum vogunarsjóðum sem vilja efna kosningaloforð Framsóknar.

[Guðmundur Ásgeirsson, 7.4.2013 kl. 14:15]

Þetta verður auðvitað aldrei fugl í hendi nema flokkar sem styðja þetta málefni komist til valda.

[Hjörtur Herbertsson, 7.4.2013 kl. 14:54]

Það held ég að sé hárrétt hjá þér Jón, að þeir sem skulda mest og hafa mest á milli handana, þeir munu fá mest. En ég held aftur á móti að þeir sem þurfa mestu aðstoðina (hafa minnst á milli handana)fái bara allsekkert.