Hræðsluáróður hagsmunasamtaka.

Í frétt frá Bændasamtökunum segir að sem kunnugt er hefur ESA, Eftirlitsstofnun EFTA, gefið út bráðabirgðaniðurstöðu um að bann íslenskra stjórnvalda við innflutningi á hráu kjöti standist ekki ákvæði EES-samningsins.

_____________________

Flest lönd í kringum okkur hafa sterkara matvælaeftirlit og meiri umsýslu í kringum matvælaöryggi en Ísland.

Við höfum nú séð ýmislegt hér á landi sem sýnir okkur svart á hvítu að staðan hér er ekki hótinu skárri en í löndum sem standa framarlega í matvælaiðnaði.

Bændasamtökin eru svo tvöföld í roðinu að þau vilja banna innflutning á matvælum en jafnframt fá að selja sínar afurðir sem víðast og skila ekki neitt í neinu að það sé vandkvæðum bundið þegar kemur að kvótum ESB.

Hagsmunahugsun samtakanna er bara á annan veginn en meginmarkmiðið er að neytendur á Íslandi fái ekki notið samkeppni í þessum greinum heldur verði að kaupa niðurgreiddar íslenskar matvörur sem þó eru á okurverði miðað við það sem þekkist í nágrannalöndum okkar. Ekki nóg með að neytendur á Íslandi þurfi að greiða tvö til þrefalt matvælaverð á Norðurlöndum og víðar heldur þurfa jafnframt að leggja til milljarða með sköttunum sínum til niðurgreiðslu og beingreiðslna.

Ég veit ekki hvað raunkílóverð á Íslandi er þegar allt er tekið.

Kannski getur einhver frætt mig á því ?

Þetta er bara sú gamla hugsun sem var hér í bæ þegar KEA gerði allt sem í þeirra valdi stóð að neytendur á Akureyri fengju bara KEA stimplaðar vörur og öðrum gert erfitt fyrir með hillupláss og samkeppni í einokuninni.

KEA hugsunin lifir góðu lífi hjá bændasamtökum Íslands og markmið þeirra er það eitt að koma í veg fyrir heiðarlega verðsamkeppni  -  því miður.

Hvaða áhætta felst í innflutningi á hráu kjöti?

Athugasemdir

[Jonsi (IP-tala skráð) 2.4.2013 kl. 10:53]

Einmitt,  já svona byltandi upplýsingar koma ekki úr trúverðugustu átt.

[Bergur (IP-tala skráð) 2.4.2013 kl. 11:28]

Hrátt kjöt innflutt. Ferskt kjöt útflutt. Var það ekki einhvernveginn svona