Jón Bjarnason - einn úr forustunni.

Jón Bjarnason, þingmaður VG, segir skoðanakönnun sem mæli fylgi VG 9,1% sýna að kjósendur flokksins hafi fengið „gjörsamlega upp í kok.“

„Vissulega er þetta aðeins skoðanakönnun, skilaboð, en hún kemur okkur ekki á óvart, sem þekkjum vel til í grasrótinni,“ skrifar Jón á bloggsíðu sinni.

______________________

Jón Bjarnason er einn af forustumönnum VG. Sennilega hafa margir fengið upp í kok af pólitískum vingulshætti þessa fyrrum ráðherra.

Ráðherra sem fór í fýlu við að missa stólinn og var frá þeim tíma fúll á móti og hafði allt á hornum sér. Ekki undarlegt að kjósendur flokksins fái upp í kok af slíku.

En í reynd er VG að færast að sínu grunnfylgi. Síðustu kosningar eru ekki viðmið fyrir raunveruleika Vinstri hreyfingarinnar græns framboðs.

Það sem mælist á flokkinn í þeirri könnun sem birtist í fyrradag er nánast sama fylgi og flokkurinn fékk í kosningum 2003 og 2007.

Veit ekki hvað var í koki kjósenda þau árin en af orðum Jóns Bjarnasonar má glöggt sjá þetta þekkta gullfiskaminni sem einkennir þá sem ekki horfa um öxl á raunveruleika fyrri ára.

Staðreyndin er einfaldlega að VG er gamaldags socialistaflokkur með þrönga sýn og í reynd gamaldags forsjárhyggjuflokkur.

Þó hafa einstaka forustumenn þar sýnt mikla víðsýni og skilning á framtíðinni og hafa haft nútímalega sýn á mál.

En sannarlega verður það ekki sagt um Jón Bjarnason fyrrum ráðherra.

Kjósendur VG fengið upp í kok