Gott mál að svo verði.

Fyrir síðustu bæjarstjórnarkosningar var umdeild tillaga að nýjum miðbæ mikið rædd, aðallega var hart deilt um gerð síkis á svæðinu. L-listinn, sem nú er með hreinan meirihluta í bæjarstjórn, var alfarið á móti síkinu.

__________________

Síkið umdeilda er þungamiðja verðlaunatillögu frá kjörtímabilinu 2002 - 2006.

Þar af leiðandi varð hún hluti af aðalskipulagi sem samþykkt var 2006 og hefur ekki verið endurskoðað.

Hvað varðar mig persónulega heillaði sjósíki mig ekkert sérstaklega, en var alveg inná að hugmyndin um vatnasvæði, t.d. tjarnir eða annað í þeim dúr yrði látið ráða á þessu svæði. Logi Már Einarsson núverandi bæjarfulltrúi Samfylkingarinnar hafði teiknað slíka hugmynd, og mér fannst það allaf betri hugmynd en sjótengingin.

Að byggja upp þarna með austur - vesturstefnu að leiðarljósi er gríðarlega góð hugmynd en jafnframt að falla frá sjótengingu bætir hana enn.

Góðar lausnir varðandi þá tengingu undir Glerárgötuna - Drottningarbrautina voru heldur ekki í kortunum að mínu mati.

Væntanlega finnst verðlaunahafanum í samkeppninni að sér vegið en það verður bara að hafa það. Þessi hugmynd á engar rætur í íbúaþinginu sem slíku frá 2004, allavegana ekki með afgerandi hætti heldur útfærsla tillöguhöfundar um austur - vesturstefnu þarna við uppbygginguna.

Deilurnar um síkið, sem er raunverulega ekki aðalatriði í þessari tillögu heldur útfærsluatriði, drógu alla athygli frá meginhugmyndafræðinni um nýtt miðbæjarskipulag og uppbygginu þess svæðis, því miður.

Fagna því að vinna skuli hafin við Miðbæjarskipulagið á ný en bendi jafnframt á það að það var ekki góð hugmynd á L-listanum að ákveða að sleppa endurskoðun Aðalskipulags á kjörtímabilinu.

Umdeilt síki í miðbænum víkur