Kátleg viðbrögð andstæðinganna.

Steingrímur J. Sigfússon, formaður VG, tilkynnti í dag formanni kjörstjórnar Vinstrihreyfingarinnar – græns framboðs í Norðausturkjördæmi að hann myndi taka þátt í forvali flokksins vegna komandi alþingiskosninga.
_____________

Ekkert óvænt við þessi tíðindi. Auðvitað heldur Steingrímur áfram, það var aðeins spurning um það um tíma hvort hann eða Björn Valur færðu sig annað.

En það skemmtilega við þetta eru viðbrögð andstæðinga Steingríms, sérstaklega sjálfstæðismanna sem keppast um við að níða af honum skóinn.

Það þarf sterk bein til að vera í stjórnmálum. Það þarf alvöru stjórnmálamenn til að takast á við alvöru vanda. Það eru ekki margir á hinu háa Alþingi sem komast með tærnar þar sem Steingrímur hefur hælana í þeim efnum.

Ég hef aldrei verið mikill aðdáandi Steingríms J. í pólítik.  Skoðanir hans og mínar fara einfaldlega ekki saman í stórum málunum. En það verður ekki af honum tekið að hann hefur verið sem klettur í skítmokstrinum eftir Sjálfstæðisflokkinn og ekki haggast hvort sem að honum er sótt utanfrá eða innan flokks.

Viðbrögð andstæðinga hans sýna svo sannarlega að þeir óttast karlinn og eiga sér enga ósk heitari en hann hverfi úr stjórnmálum. Það má glöggt sjá í skrifum dagsins á bloggsíðum og víðar.

Viðbrögðin eru hreinlega... af hverju getur hann ekki hætt þessu... við ráðum ekkert við hann.

Minnimáttarkenndin skín í gegn hjá þeim sem kalla hann illum nöfnum og reyna að gera lítið úr verkum hans.

Virða ber það sem vel er gert, jafnt hjá pólitískum samherjum svo og þeim sem ekki eru með manni í liði.

Steingrímur hefur ritað nafn sitt í söguna með afgerandi hætti við endurreisnarstarf síðustu ára og þeir stjórnmálamenn eru teljandi á fingrum sér sem hefðu haft nokkuð í  þetta að gera.

Steingrímur J. fer fram

Athugasemdir

[hilmar jónsson, 4.11.2012 kl. 16:39]

Sönn og góð greining hjá þér Jón.

[Marteinn Sigurþór Arilíusson, 4.11.2012 kl. 16:59]

Í skítmokstri eftir Sjálfstæðisflokkinn segir þú.Má ég minna þig á að Jóhanna er búinn að vera ráðherra í 13 ár á sínum ferli.En væntanlega er það með hana eins og annað samfylkingarfólk hún ber ENGA ábyrgð. Hún er bara fórnarlamb Sjálfstæðisflokksins.Þið samfylkingarfólk eruð bara aular og EKKERT annað.

[Trausti (IP-tala skráð) 4.11.2012 kl. 17:09]

Góð grein jón.

Marteinn þú veitst það vel að íhaldið réð hér öllu, hækjurnar urðu að standa og sitja eins og þeir sögðu.

Jóhanna var ekki mjög valdamikil í sinni ráðherra tíð, komst lítið áfram með sín mál.

[Jón Ingi Cæsarsson, 4.11.2012 kl. 17:53]

Aðdragandi hrunsins varð undir stjórn Davíðs Oddssonar. Það var stjórn Framsóknar og Sjálfstæðisflokksins sem mótaði þá stefnu og einkavinavæddi banka og aðrar ríkisstofnanir. Það var sú samstjórn sem afnam eftirlitsstofnanir og byggði undir það æði sem kollvarpaði síðan öllu með röngum ákvörðunum, t.d. skattalækkunum í þennslu ástandi, 90-100% lánum og fleiru. Reyndu ekki að kenna Jóhönnu eða Steingrími um það Marteinn...þá eru það aðrir sem eru aulinn í þessari umræðu.

[Sigurður Haraldsson, 4.11.2012 kl. 17:54]

Guð minn góður hvað þú ert veruleikafyrrtur Jón :(

[Ómar Bjarki Kristjánsson, 4.11.2012 kl. 18:05]

Yfirburarmaður SJS. Jafnvel þó Sjallar hafi sett sóra traktorinn við skítardrífarann og dælt óþveranum frá sér - SJS fer létt með að hrinda því öllu burt. Sjallar eru bókstaflega alveg við það að snúa í sundur drifskaftið í djöfulmóð sínum og.

Svo sér maður aðra smákjána reglulega kokgleypa skítinn fræa þeim sjöllum og framsókn. Kokgleypa. Smákjánar bera nefnilega mikla ábyrgð á þí að sjallar hafa svo mikil völd. þeir hafa ekki greind til að átta sig á óþvernum frá sjöllum heldur hjálpa þeim við skemdarverkin.

[Marteinn Sigurþór Arilíusson, 4.11.2012 kl. 18:22]

Þetta var það sem ég meinti Trausti enginn gerði neitt nema Sjálfstæðisflokkurinn.Þú og Ómar Bjarki eruð greinilega sömu aularnir og Jón Ingi.

[Sigurður Haraldsson, 4.11.2012 kl. 18:50]

Verð að játa sindir mínar ég kaus einu sinni VG en þann andskota mun ég aldrei gera aftur!

[Trausti (IP-tala skráð) 4.11.2012 kl. 19:00]

Marteinn þú veittst það að íhaldið réði hér öllu sem þeir vildu ráða frá 1991 til 2008. Þeir ollu hruninu með því að setja leikreglur, gefa bankana og hleypa græðgisliðinu lausu.

Þú mannst hvernig þetta byrjaði, þegar Davíð misskildi skeytið frá Sameinuðu þjóðunum um ár fjölskyldunnar.

Hann vissi bara af fjölskyldunum 14 sem áttu mest í landinu og gaf(seldi fyrir slikk) þessvegna einni þeirra Síldarverksmyðjur Ríkisins.

[Anna Sigríður Guðmundsdóttir, 6.11.2012 kl. 11:39]

Ekki vildi ég vera í sporum Steingríms, þótt ég sé svikinn kjósandi VG. Ég sé ekki hvað er bak við leiktjöldin.

M.b.kv.