Vond pólitík L-listans.

Í fjárlögum Akureyrarbæjar fyrir næsta ár er tillaga frá íþróttaráði þess efnis að afnema gjaldfrjálsan aðgang fyrir fólk 67 ára og eldri. „Þetta er einfaldlega gert vegna þess að það vantar tekjur til að reka sundlaugarnar. Það er fyrst og fremst vera að horfa á það,” segir Nói Björnsson formaður íþróttaráðs, í samtali við Vikudag.

__________________

Svona aðgerð er slæm pólitík og spurning um forgangsröðun. Frítt í sund fyrir eldri borgara var eitt blómið í hnappagati Akureyrar sem fyrirmyndarsamfélags.

Nú hefur L-listinn forgangsraðað því út og eftir stendur að eldi borgarar búa við verri kjör í fyrirmyndarbænum Akureyri.

Það segir okkur kannski ýmislegt um L-listann og hvert hann er tilbúinn að seilast eftir viðbótarfjármagni þegar að kreppir.

Það eru örugglega til dýpri vasar til að seilast í en vasa 67 ára og eldri.

Mikilvægi sunds fyrir eldri borgara hefur orðið ljósara með árunum og það er öruggt að þessi aðgerð mun draga úr sundsókn eldra fólks.

Skora á L-listann að finna aðrar leiðir en þessa til að auka tekjur sundstaða.

Afnema fríðindi aldraðra

Athugasemdir

[sigkja (IP-tala skráð) 4.11.2012 kl. 13:50]

Þeir eru bara á undan sinni samtíð og fara að vilja fólksins. Þegar nýja stjórnarskráin kemur verður hvort sem er bannað að veita aldurstengd fríðindi. Þá má ekki mismuna eftir aldri og allir verða jafnir og borga jafnt. Best af fólk fái það sem það heimtar.

[Daníel Sigurður Eðvaldsson, 4.11.2012 kl. 15:56]

Þetta er vissulega vond pólítik en það má ekki gleyma að það er ekkert sem heitir "frí sundferð". Það er alltaf einhver sem borgar og í þessu tilviki eru það skattgreiðendur og hugsanlega aðrir sundgestir í formi hærri aðgangseyrir (tek fram að ég veit ekki hvort það sé í þessu tilviki). Þá er hægt að spyrja sig hvort það sé of mikils ætlast að þeir sem noti þjónustu sundlaugar greiði fyrir afnot af því. Erum við þá komnir niður á þá hugleiðingu ef þetta mun buga buddur eldriborgara hvort vandamálið sé ekki frekar að eldri borgarar á Íslandi séu svo illa komnir fjárhagslega. Þarf ekki frekar að leysa þann vanda í staðinn.