Glæsilegur ferill og enn glæsilegri endasprettur.

„Pólitík er langhlaup og þar veltur á miklu að hafa úthald og þrautseigju alla leið í mark ... og helst að spretta enn hraðar úr spori á lokametrunum,“ segir Jóhanna í bréfinu. „Lokaspretturinn er hafinn, bæði minn pólitíski endasprettur og endasprettur fyrstu meirihlutaríkisstjórnarinnar undir forystu okkar jafnaðarmanna. Á mánuðunum fram að landsfundi og síðan fram að kosningum mun ég að sjálfsögðu gera mitt ýtrasta, í þeim störfum sem þið hafið falið mér, til að ná fram baráttumálum okkar jafnaðarmanna og til þess að tryggja að Samfylkingin verði áfram forystuafl í íslenskum stjórnmálum.“

______________________

Jóhanna Sigurðardóttir hefur stýrt ríkisstjórn síðustu ára í gegnum stórsjói og endurreisn eftir fall frjálshyggjunnar.

Barátta hennar alla tíð í stjórnmálum hefur haft algjöra sérstöðu.

Aldrei lét hún deigan síga þrátt fyrir sóðalega mykjudreif sumra stjórnarandstöðuþingmanna og stjórnarandstæðinga á þessu kjörtímabil.

Þess vegna er hún að skila nýju Íslandi í hendur arftaka sinna og sagan mun stilla henni upp með okkar fremstu stjórnmálamönnum á lýðveldistímanum og þótt lengra verði leitað.

Undir hennar stjórn og leiðsögn var Samfylkingin sá flokkur sem stóð heill og öflugur að baki formanns síns.... sama hverju á dundi.

Jóhanna ætlar að hætta

Athugasemdir

[Vilhjálmur Stefánsson, 27.9.2012 kl. 16:54]

Mikið má þjoðfélagið vera þakklátt að Jóhanna hverfur úr Stjórmálum,hún komst upp með að svíkja alt sem hún lofaði.

[Marteinn Sigurþór Arilíusson, 27.9.2012 kl. 17:02]

Sérhver er nú glæsileikinn. Það getur ekki verið að þér sé sjálfrátt.

[Ingibjörg Guðrún Magnúsdóttir, 27.9.2012 kl. 17:16]

Ó jú Marteinn honum Jón Inga er alvara, en mikið meigum við vera þakklát fyrir þessa ákvörðun hennar...

[Sigurður Haraldsson, 27.9.2012 kl. 17:44]

Frábært að losna við Jóhönnu verst er þó að vita að aldurinn á hér hluta að máli ekki nokkur skapaðanhlutur annar! Ég á ekki eftir að sakna þessarar konu sem var nú á síðustu metrunum ekki í neinum tengslum við okkur almenning í landinu.

[Jón Ingi Cæsarsson, 27.9.2012 kl. 17:50]

Gaman að sjá hvað minnimáttarkenndin stjórnar athugsemdapennum hér ... 

[Jón Ingi Cæsarsson, 27.9.2012 kl. 17:51]

Aldrei lét hún deigan síga þrátt fyrir sóðalega mykjudreif sumra stjórnarandstöðuþingmanna og stjórnarandstæðinga á þessu kjörtímabil  ( eins og segir í blogginu hér að ofan )  

[Ásthildur Cesil Þórðardóttir, 27.9.2012 kl. 17:56]

Í þessu sambandi mega menn muna að oflof er háð.

[Jón Ingi Cæsarsson, 27.9.2012 kl. 18:22]

Í svona sambandi ber að minnast þess að samtíminn sér ekki hinn rétta raunveruleika fyrir dægurrykinu sem blindar þeim sýn sem þjáðir eru blindu andstæðingsins.

Sagan mun dæma verk þessarar stjórnar og forsætisráðherra sem reist hefur við efnahag landins og endurheimt traust umheimsins eftir hrunið mikla.

Sýn stjórnarandstæðinga er markleysan ein enda er sýn þeirra lituð dæmigerðum viðhorfum þetta sem þola ekki velgengni og árangur annarra.

[Guðmundur Björn, 27.9.2012 kl. 20:19]

Jón Ingi, þú ert greindargámur mikill!

[Ásthildur Cesil Þórðardóttir, 27.9.2012 kl. 20:28]

Mikil er trú þín Jón Ingi.

[Hilmar Hafsteinsson (IP-tala skráð) 27.9.2012 kl. 21:51]

Ég velti því stundum alvarlega fyrir mér á hvaða lyfjum sumir fjórFLokksprelátar eru. Það er einfaldlega móðgun við íslenska tungu að fullyrða að "sagan mun stilla henni upp með okkar fremstu stjórnmálamönnum á lýðveldistímanum og þótt lengra verði leitað"(!)

Það eina sem Jóhanna hefur afrekað er að slá skjaldborg utan um 35 ára slímsetu á Alþingi.

[Örn Johnson ´43 (IP-tala skráð) 27.9.2012 kl. 23:34]

Gleðitíðindi dagsins, takk Jóhanna, en mundu að hætta ekki fyrr en eftir næstu kosningar svo eftirbátur þinn fái ekki að skína og skyggja á þig, það tryggir endalega auma kosningu þín flokks í næstu kosningum en styður vel við egó þitt. Þessi ákörðun Jóhönnu lýsir henni vel, að hleypa ekki öðrum að, er einhver undarlegasta ákvörðun "stjórnmálaforgingja" sem nokkur hefur kynnst. Mundu svo Jóhanna að þín verður líkleg helst minnst fyrir fylgishrun flokks þíns í væntanlegum kosningum. Jóhanna er búin að afreka margt (að eigin mati) t.d. að hamast í marga mánuði við að reyna að reka opinberan starfsmann án þess að hann hafi nokkuð brotið af sér í starfi. Sá heitir Valtýr og var ríkissaksónari. Allir eru auðvitað búnir að gleyma þessu en þessi tilraun og heift Jóhönnu lýsir vel virðingu hennar fyrir lögum. Farið hefur fé betra. Þegar saga Jóhönnu verður skoðuð af sagnfræðingum framtíðarinnar mun veikleiki hennar koma vel í ljós, heift og frekja ásamt skorti á dómgreind voru hennar helstu fylgifiskar. Klikkaði á ESB málinu, klikkaði á Icesave málinu, klikkaði á Stjórnarskrármálinu, klikkaði á málinu um skattlagningu á sjávarútveg og hvar á maður að enda?

[Móri (IP-tala skráð) 28.9.2012 kl. 10:59]

Hún Jóhanna náði hæstum hæðum á ferlinum er hún gét við fótskör Hádegismóra og hélt til með Náhirðinni hanns. Aftur fór hún hástökk er hún gekk við hlið Harde í hrunstjórninni hanns. Síðan náði hún að fara þrístökk ef ekki bara fleitir enn kellingar í samstarfinu með íþróttagaspinum fyrrverandi. Icesave, ESB, 4600 ný störf, ólöglegar mannaráðningar, ólöglegar kosningar.

Já hún Jómóa er að sönnu háloftamaskína sögunnar. hr. Briem.

Nú mun hún ganga um Hádegismóana, sem eru henni svo kærir, með öðrum náum stjórnmálanna.

Davíð besta vininum sem hún lék svo illa. Ingibjörgu bestu vinkonunni sem hún sveik. Jóni Baldna sem bara sparkaði í grenjandi frekjuna og fleira af góðu samverkafólki sem gengið er til náa.