Þorsteinn Pálsson kaghýðir Bjarna Ben.

Kallaði Bjarni eftir hugmyndum frá ríkisstjórninni hvernig hún hygðist ætla að taka á þessum málum. Þörf væri fyrir reglur til að lágmarka hættuna á kollsteypu í ríkisfjármálum og til að sporna við því að ríkisstjórn færi fram úr sér í fjármálum, eins og hann sagði sér sýnast núverandi stjórn vera á góðri leið með að gera.

________________________

Þorsteinn Pálsson skrifar grein í Fréttablaðið og þar rökstyður hann þá skoðun sína að Bjarni Benediktsson formaður Sjálfstæðisflokksins sé að gera meiri utanríkispólitísk mistök en forveri hans Davíð Oddsson gerði þegar hann klúðraði viðræðum við Bandaríkjamenn um vera hersins á Íslandi.

Þorsteinn segir.

_________________

Á þessu stigi máls er fátt mikilvægara en rétt tímasetning ákvarðana. Rökrétt er að draga þá ályktun af skýrslu Seðlabankans að einmitt núna sé ekki réttur tími til að taka endanlega ákvörðun um evruna. Formaður Sjálfstæðisflokksins kaus hins vegar að velja nákvæmlega þennan tímapunkt til þess að slá evruna út af borðinu með kröfu um tafarlaus slit á aðildarviðræðunum.

Það eðlilega er að hægja á aðildarviðræðunum með það að markmiði að ljúka þeim á miðju næsta kjörtímabili. Þá verður framtíðarskipan myntsamstarfsins orðin skýrari. Hitt væri glapræði að hafa áður en þar að kemur ýtt þeim kosti út af borðinu, nema þá sem fjarlægu skoðunarefni. Það heitir að loka leiðum, tapa tíma og fórna tækifærum.

Einhver hrapallegustu utanríkispólitísku mistök þjóðarinnar fram til þessa voru kolrangt stöðumat í viðræðum við Bandaríkjamenn um framhald varnarviðbúnaðar hér, sem endaði með því að þeir fóru með öllu.

Verði stöðumat formanns Sjálfstæðisflokksins í peningamálum ofan á nú munu þau mistök taka hinum fram.

Þegar kemur að þessu breiða sviði utanríkistefnu og efnahagsmála, sem ekki er unnt að greina í sundur, eru gerðar meiri kröfur til leiðtoga Sjálfstæðisflokksins en VG um yfirvegað mat og framtíðarsýn.

__________________

Svo mörg voru þau orð og sýna svo ekki verður um villst að innan Sjálfstæðsflokksins kraumar óeining sem ekki hefur brotist fram af fullum þunga eins og í Framsóknarflokknum.

Hin frjálslyndari og víðsýnni öfl hafa orðið undir vegna undirlægjuháttar formanns flokksins við gömlu klíkurnar sem lúta leiðsögn Davíðs Oddssonar og samstarfsmanna hans.

Bjarni reynir að spila með til að halda formannssætinu og völdum sínum.

Næstu mánuði mun koma í ljós hvort honum tekst það.

Auki aga án atbeina ESB

Athugasemdir

[Sigurður Þorsteinsson, 24.9.2012 kl. 17:03]

Samfylkingin hefur það á stefnuskrá sinni  að leggjast undir ESB og afhenda þeim auðlindir þjóðarinnar, og svo Kínverja til þess að selja þeim landið. Þetta hugarfar minnir óþægilega á ástandið hér á árum áður.

70% þjóðarinnar vill ekki selja landið til Kínverja  eða ganga í ESB, og þar sem lýðræðið verður látið ráða verður viðræðum við ESB slitið hið snarasta strax eftir kosningar. 

VG og Samfylking verður síðan sett í áratuga endurhæfingu. 

Jón það er ekki nóg að allt sé galopið ef enginn hefur áhuga á að  fara inn. Vona samt að þú fáir eina Wrigley tyggjóplötu, en það var víst lágmargs gjaldið  sem smástelpurnar fengu fyrir viðvikið í den. 

[Guðjón Sigþór Jensson, 24.9.2012 kl. 21:43]

Óttalegar mótsagnir eru þetta hjá þér Sigurður.

[Kristinn J (IP-tala skráð) 25.9.2012 kl. 16:37]

Sigurður. Hverskonar mannfyrlitning er þetta hjá þér maður, sem betur fer átt þú fáa bræður: Okkar hinna vegna ::::::

"Jón það er ekki nóg að allt sé galopið ef enginn hefur áhuga á að fara inn. Vona samt að þú fáir eina Wrigley tyggjóplötu, en það var víst lágmargs gjaldið sem smástelpurnar fengu fyrir viðvikið í den."

Að lokum Sigurður: Þú ert ekki einu sinni einnar Wrigley´s virði.. en endilega leitaðu þér lækninga,,, þín vegna........