Önnur atlaga Hönnu Birnu að Bjarna Ben.

Illugi Gunnarsson, formaður þingflokks Sjálfstæðisflokksins, mun bjóða sig fram til að leiða listann í Reykjavík. Áður hafði Hanna Birna Kristjánsdóttir lýst því yfir að hún stefndi á fyrsta sætið og heimildir mbl.is herma að Guðlaugur Þór Þórðarson þingmaður geri það einnig.
_______________

Illugi er fulltrúi flokkseigendafélagsins og fylgisveinn formannsins Bjarna Benediktssonar. Hönnu Birnu mistókst atlagan að formannssætinu og hefur haft hægt um sig síðan.

Nú vaknar hún og gerir aðra atlögu að valdastöðu Bjarna formanns. Ef þetta mistekst hjá henni má gera ráð fyrir að hún sé búinn í stjórnmálum, í það minnsta innan Sjálfstæðisflokksins. Á þeim bænum eru atlögur að ríkjandi valdhöfum ekki fyrirgefnar ef þær mistakast.

Styrkjakóngurinn ætlar síðan að blanda sér í slaginn en ég trúi varla að Sjálfstæðismenn noti ekki þetta tækifæri og hreinsi hann af listum flokksins.

Það verður fróðlegt að fylgjast með þessari baráttu því þarna kristallast valdabaráttan og átökin í Sjálfstæðisflokknum.

Þrjú vilja leiða listann