Íslenskir dómstólar fá á kjaftinn.

Blaðamennirnir Björk Eiðsdóttir og Erla Hlynsdóttir unnu báðar mál sín fyrir Mannréttindadómstól Evrópu gegn íslenska ríkinu en dómur var kveðinn upp í málum þeirra í morgun. Er íslenska ríkinu gert að greiða þeim báðum bætur.

____________

Því hefur löngum verið haldið fram að dómstólar á Íslandi séu hlutdrægir, standi með þeim sem meira megi sín en lítilmagninn, einstaklingarnir eigi litla möguleika í báráttunni við fjármálaöflin og ráðandi stéttir.

Þetta mál gefur dómstólum á Íslandi á kjaftinn. Þeir dæma í máli og línan sem dregin er byggir á að hér sé þöggun í þágu þeirra sem eiga fjármagn og fyrirtæki.

Hér er það staðfest að dómstólar á Íslandi lenda inni á mjög svo vafasamri braut að dæma með skertu tjáningarfrelsi.

Það er umhugsunarefni því hér á landi hefur viðgengist þöggun á flestum stigum þjóðfélagsins og gott er að því sé að linna.

Síðasta dæmi er ósmekkleg tilraun fyrrum ráðherra Framsóknarflokksins að reyna, í anda þeirrar gömlu hefðar, að heimta að biskup þaggi niður í óþægilegri umræðu og banni starfsmönnum sínum að tjá sig.

Hann fór heim með öngulinn í rassinum eftir þá tilraun.

Unnu mál gegn ríkinu

Athugasemdir

[Birgir Gudjonsson (IP-tala skráð) 10.7.2012 kl. 09:32]

Leitstu á, að Guðni talaði við biskup sem þöggun ?

Ummæli Davíðs voru honum og vinnuveitanda hans til skammar....

Hvernig sem á það er litið.

[Anna Sigríður Guðmundsdóttir, 10.7.2012 kl. 09:48]

Fyrst táningafrelsi þessara kvenna er svona vel varið, þá hafa þær enga afsökun fyrir að fjalla ekki um það í fjölmiðlum, hvernig rannsóknir á dauða barna og unglinga, sem þvælst hafa inn á fíkniefnabrautina, er hundsuð af lögregluyfirvöldum.

Ef réttlætiskennd þessara fjölmiðla-kvenna pólitísku fjölmiðlanna á Íslandi, nær ekki til kerfis-svikinna barna og unglinga, sem engan vegin geta varið sig sjálf fyrir glæpakerfinu, þá er ekki mikið að marka þessi pólitísku "mannréttindi" frá þessum konum og Evrópudómsstól mannréttinda.

Ég fæ kuldahroll af að sjá myndina af þessu Evrópska bákni pólitíkurinnar, sem á ekkert skylt við réttlæti.

Íslenskir dómsstólar eru af sömu spillingarsortinni og sá Evrópski, sem kenndur er við mannréttindi, á meðan mannréttindi eru þverbrotin á almenningi í Evrópu.

M.b.kv.

[Anna Sigríður Guðmundsdóttir, 10.7.2012 kl. 10:25]

... tjáningarfrelsi, átti þetta að vera... 

[Jón Kristján Þorvarðarson, 10.7.2012 kl. 10:53]

Helgasti réttur sérhvers manns er málfrelsið. Og um málfrelsið ber að standa vörð.Refsiglaðir dómstólar á Íslandi fengu nú réttláta og tímabæra hirtingu. Vonandi blæs þessi dómur lífi í kulnandi glæður málfrelsis hér á landi á þann hátt að tyftunarglaðir menn hætti að kveinka sér frammi fyrir dómstólum.

[Jón Ingi Cæsarsson, 10.7.2012 kl. 11:04]

Birgir..já þetta var tilraun viðkvæms fyrrum stjórnmálamanns til að láta vinnuveitanda þagga niður í persónulegum skrifum starfsmanns með þvingun í gegnum vinnuna. Slíkt sýnir anga af því sem hér hefur viðgengist í áratugi, fólki hótað með atvinnumissi spili það ekki " rétt ". Biskup tók á þessu á nútímalegan hátt. 

Þetta hefur nákvæmlega ekkert með það sem Davíð Þór skrifaði, á því hefur hver sína skoðun.

[Skúli (IP-tala skráð) 10.7.2012 kl. 12:20]

Anna, mér finnst reglulega verið að fjalla um málefni barna sem hafa lent í dópi og látist, var ekki t.d. Jóhannes Kristjánsson að því í Kastljósinu fyrir ekki svo löngu síðan?