Eigin hagsmunir - ekki þjóðarinnar.

Stjórn Samstöðu, flokks lýðræðis og velferðar, krefst þess að ríkisstjórnin víki hið fyrsta og boðað verði til kosninga. Þetta kemur fram í yfirlýsingu sem stjórn flokksins sendi fjölmiðlum í gærkvöld.

______________

Eðlilega vill Samstaða kosningar núna en ekki eftir eitt ár. Fylgi þeirra frá stofnun hefur verið í frjálsu falli enda eru þessi samtök afar ótrúverðugt stjórnmálaafl, stofnað í kringum einn núverandi Alþingismann sem vill halda jobbinu sínu.

Samstaða mældist í fyrstu með yfir 20% fylgi en er nú komin niður og vafasamt að þessi samtök eigi nokkuð fylgi þegar upp verður staðið enda byrjunin ekki gæfuleg.

En að Samstaða kalli hátt eftir kosningum núna er fyrst of fremst fyrir eigin hag í þeirri von að fylgið verði ekki allt horfið.

Það er eigin hagur en ekki þjóðarinnar sem þar ræður, sami drifkraftur og drífur málþóf íhaldsflokkanna.

Samstaða krefst kosninga

Athugasemdir

[Viktor Alex (IP-tala skráð) 22.5.2012 kl. 09:54]

Þannig hún var með sama fylgi og ríkisstjórnin bara ekki fyrir svo löngu? Hvernig eru ekki hagsmunir þjóðarinnar að koma ríkisstjórninni frá? Þó þessi flokkur vilji hana frá þá þýðir það ekki að ég myndi kjósa flokkinn, en burt skal ríkisstjórnin fara.

[Anna Sigríður Guðmundsdóttir, 22.5.2012 kl. 12:15]

Þessi ríkisstjórn gætir eiginhagsmuna ESB en ekki þjóðarinnar.

Ef einhverjum finnst það í lagi, þá segir það mest um viðkomandi.

ESB er ekki að gæta hagsmuna þeirra sem minnst mega sín, hvorki á Íslandi né annarsstaðar í Evrópu. Svo mikið er sannleiks-upplýstu fólki víða í Evrópu orðið ljóst, og því miður er það satt, en ekki áróður.

M.b.kv.