Barbabrellur.

 

Nýkrónur, ríkisdalur, Kanadadollar, Norsk króna...o.fl.

Barbabrellurnar eru af margvíslegum toga og ganga út á að halda í þá ímynd að við séum í góðum málum með okkar gjaldmiðil, það þurfi bara að endurskíra hann eða tengjast einhverjum þeim gjaldmiðli sem ræðumanni þóknast sjálfum af pólítískum ástæðum.

Með þessu er reynd að skáskjóta sér hjá þeirri staðreynd sem flestir vita að hagkerfi Íslands og krónan eru slík öreind að ein og sér munum þau aldrei lifa af og lífskjör á Íslandi munu áfram standa líkskjörum Norðurlanda langt að baki.

Ég veit ekki hversu lengi stjórnmálamenn á Íslandi ætla að halda áfram að blekkja sjálfa sig og halda því fram að við getum staðið ein  og " sjálfstæð " í framtíðinni.

En afneitunin er pólitísk og gengur út á það að vera á móti því að stíga skrefið til fulls og sameinast öðrum Evrópuþjóðum í bandalagi.

Bændur riðu gegn símanum 1906. Þessi krossferð er af svipuðum toga.

Samstaða vill taka upp Nýkrónu

Athugasemdir

[Jón Þór Helgason, 29.4.2012 kl. 18:06]

Hvers vegna riðu bædur gegn símanum á sínum tíma?

[Óðinn Þórisson, 29.4.2012 kl. 18:12]

Ég hef enga trú á öðru en einn dag þá mundir þú bera viðringu fyrir skoðunum annarra.

[Guðmundur Ásgeirsson, 29.4.2012 kl. 21:55]

Barbabrellurnar eru af margvíslegum toga og ganga út á að halda í þá ímynd að við séum í góðum málum með okkar gjaldmiðil, það þurfi bara að endurskíra hann eða tengjast einhverjum þeim gjaldmiðli sem ræðumanni þóknast sjálfum af pólítískum ástæðum.

Eins og til dæmis að endurskíra hann evru?

[Anna Sigríður Guðmundsdóttir, 30.4.2012 kl. 08:34]

Guðmundur. Mesta barbabrella seinni tíma er evru-ævintýrið.

Því miður lifa of margir pólitíkusar í ævintýra-barbí-barbabrellu-heimum, en eru víðs fjarri raunheimum venjulegs vinnandi fólks.

M.b.kv.

[Guðjón Sigþór Jensson, 30.4.2012 kl. 20:04]

Við Íslendingar höfum setið uppi með handónýtan gjaldmiðil síðan 1886 þegar fyrstu innlendu seðlarnir komu til sögunnar. Þá vildi enginn kaupmaður taka við þeim sem fullgildri greiðslu ef hann hafði kost á annari greiðslu, t.d. gulli eða silfri. Vöruskiptaverslun hélst áfram fram yfir aldamót 1900 og jafnvel lengur.

[Sveinn í Felli (IP-tala skráð) 5.5.2012 kl. 22:42]

Almennt viðtekin saga gerir bændareiðina að tákni fyrir afturhalsdssemi og kynlegheitum.

En margir þeirra sem þangað fóru (sem ég þekki til) gerðu það til að mótmæla gamaldags línulögnum í boði Stóra Norræna Símafjelagsins, og til að hvetja fremur til að nota þráðlausa Marconi-talsímætækni. Vissu eins og var að þráðlausu sambandi yrði mun fyrr komið á til einangraðri staða úti um land. Þeir fengu svo NMT-síma einum 80 árum síðar.

Einhvernvegin fór sagan heldur illa með málsrök þeirra.