Í hvaða rugli er L-listinn ?

Bókun skipulagsnefndar. 

Þann 2. október s.l. var aðildarsveitarfélögum svæðisskipulagsins send til umsagnar, með vísan til 23. gr. skipulagslaga nr. 123/2010, lýsing á skipulagsverkefninu "Svæðisskipulag Eyjafjarðar 2011-2023" ásamt fylgiriti þar sem gerð var grein fyrir helstu forsendum væntanlegrar skipulagstillögu. Þrjú sveitarfélög gerðu athugasemdir við nokkra þætti lýsingarinnar. Tekið hefur verið tillit til hluta þeirra í meðfylgjandi gögnum og gerð er grein fyrir afgreiðslu þeirra efnisþátta sem ekki þótti ástæða til að færa inn í væntanlega skipulagstillögu.
Samvinnunefndin óskar eftir athugasemdum við meðfylgjandi gögn.

Skipulagsnefnd telur nauðsynlegt að kafli um sorpmál verði endurskoðaður og að í lýsingunni komi fram stefna um hvernig sorpmálum verði háttað á svæðinu til lengri tíma litið og að gerðar verði tillögur um urðunarstað og meðhöndlun úrgangs í svæðisskipulaginu.

Skipulagsnefnd leggur til við bæjarstjórn að skipulagslýsingin verði samþykkt þannig breytt í samræmi við 1. mgr. 23. gr. skipulagslaga nr. 123/2010.

Áheyrnarfulltrúar B-lista, D-lista og S-lista óska bókað: Við leggjum til að afgreiðslu málsins verði frestað, það unnið betur og m.a. tekið tillit til athugasemda skipulagsstjóra.

_______________

Það tók tvo áratugi að lenda úrgangsmálum við Eyjafjörð. Uppleggið var jarðgerð og endurvinnsla og urðunarstaður yrði ekki á Eyjafjarðarsvæðinu enda hafði staðið yfir leit að svæði fyrir slíkt án árangurs mjög lengi.

Nú er sem vakni upp draugar fortíðar og L-listinn byrjar að tala um urðunarstað á svæðinu.

Á þessu má glögglega sjá að fulltrúar listans hafa ekki græna glóru um hvað hefur gengið á í þessum málaflokki frá því löngu fyrir aldamót og loksins tókst að koma þessum málum í farsælan farveg.

Nú vill L-listinn snúa klukkunni til baka og hefja á ný endalausar deilur um þessi mál og svæðinu og setja vinnu við gerð svæðisskipulags í uppnám til lengri tíma.

Furðuleg vinnubrögð og bera þekkingarleysi sorglegt vitni.