Verkfælnir úrtölumenn.

31.1.2012 | 18:55

Það þarf að taka ákvörðun miðað við að kostnaður ríkisins við göngin verði ýmist enginn eða hverfandi þegar væntanleg arðsemi af göngunum er metin. Ekki leikur nokkur vafi á því að göngin munu reynast ríkinu arðsöm. Það á ekki að taka kostnað notendanna inn í arðsemisreikninginn fyrir ríkið, sérstaklega ekki í þessu tilfelli, þar sem notendum er í sjálfsvald sett hvort þeir fara göngin eða upplifa hina fögru leið um Víkurskarð.

Ég átta mig ekki á hvað ákveðnir þingmenn eru að reyna þegar þeir tala niður framkvæmd sem byggir á sjálfsbjargarviðleitni heimamanna, margítrekuðum skoðunum á arðsemi.

Hvort þetta er illgrini, verkfælni eða hreinlega almenn leiðindi veit ég ekki en léttvæg finnast mér rök þeirra sumra hverra.

Alþingi þarf hreinlega að fara að velta því fyrir sér hvort úrtölumenn og svartsýnismenn eiga að ráða för við að drepa niður frumkvæði og verkvilja eða hvort það vill stuðla að því að auka bjartsýni og hagvöxt í landinu.

Við þurfum ekkert á fleiri svartagallsrausurum á halda...nú er komið að því að taka ákvarðanir og klára mál... annars fer maður að trúa því að sumir alþingismenn eigi drúgan þátt í að hægja á efnahagsbatanum með verkfælni og úrtölum.