Að misnota forseta og forsetaembættið.

„Stuðningur Ólafs Ragnars við málstað okkar, sem berjumst gegn aðild mun hafa víðtæk áhrif ekki sízt í röðum vinstri sinnaðra kjósenda, bæði meðal þeirra, sem hafa stutt Vinstri græna en líka annarra, sem hafa greitt Samfylkingunni atkvæði,“ segir Styrmir Gunnarsson, fv. ritstjóri Morgunblaðsins, um mögulega baráttu forsetans gegn ESB-aðild Íslands

Styrmir boðar misnotkun forsetaembættisins.

Maður sem hann hefur allt tíð talað niður er nú orðinn hans besti vinur og stuðningsmaður. Hægri menn og ESB andstæðingar virðast tilbúnir að kjósa forseta sem gæti hentað málstað þeirra í andstöðunni við ESB aðild og að málið fari í þjóðaratkvæði.

Slíkt er auðvitað fáheyrt og þeim til skammar sem svona skrifa og tala.

Það er sem Styrmir sé búinn að velja Ólaf Ragnar Grímsson til þess að beita honum fyrir þau áform að koma í veg fyrir að þjóðin segi skoðun sína og greiði um málið atkvæði í þjóðaratkvæðagreiðslu um ESB aðild.

Styrmir hefur þau sjónarmið risaeðlanna í pólítik að allar ákvarðanir um málefni þjóðarinnar skuli taka í þröngum klíkum stjórnmálaflokkanna.

Og samkvæmt því sem hann nú segir þá er hann tilbúinn að misnota forseta og forsetaembætti í þeim tilgangi að ná fram þeim áformum, og að þjóðin verði svikin um það lýðræði sem felst í þjóðaratkvæði.

Styrmir: Forsetinn öflugur liðsmaður