L - listi fólksins... börn eru líka fólk.

Stjórn foreldrafélaga í leikskólum Akureyrar hvetur foreldra til þess að mæta á fund í kvöld þar sem rætt verður um fyrirhugaða breytingu á morgunverðum í leikskólum. Tæplega 600 foreldrar skrifuðu undir undirskriftarlista í síðustu viku þar sem breytingunni er mótmælt.

Á fundinum verða kynntar fyrirhugaðar breytingar og ástæður þeirra. Á eftir kynningunni munu Eiríkur Björn Björgvinsson bæjarstjóri, Preben Jón Pétursson varaformaður skólanefndar, Gunnar Gíslason fræðslustjóri og Hrafnhildur Sigurðardóttir leikskólafulltrúi, sitja fyrir svörum.

L- listinn situr uppi með þá skömm að hafa lagt þetta til. Auðvitað tekur maður ekki morgunmatinn af  börnum í leikskólum.

Það sér hver maður ef eitthvað annað en hörð sparnaðarsjónarmið ráða för.

Ég sakna þess að sjá ekki formann skólanefndar og formann bæjarráðs mæta á þennan fund því ef einhverjir bera ábyrgð á þessari tillögu þá eru það þessir tveir stjórnmálamenn.

En þeir taka þann pól í hæðina að beita fyrir sig embættismönnum og varaformanni nefndarinnar.

L- listi fólksins er komin á braut sem engu öðru stjórnmálaafli hér í bæ hefði dottið í hug að fara. Að skera niður í skólamálum er erfitt en að nota þann málaflokk til að skera meira en annarsstaðar er auðvitað lítil stjórnviska...

enda fer álit bæjarbúa á L-listanum hratt dvínandi.

600 foreldrar mótmæla

Athugasemdir

[Jón Ingi Cæsarsson, 20.12.2011 kl. 17:05]

Foreldrar hrekja L - listann til baka með skelfilega ákvörðun...gott mál.