Sjálfstæðisflokkurinn... nýr og ferskur frá himnum.

Sköpun heimsins

1
¹Í upphafi skapaði Guð himin og jörð. ²Jörðin var þá auð og tóm, og myrkur grúfði yfir djúpinu, og andi Guðs sveif yfir vötnunum.

³Guð sagði:

"Verði ljós!"

Og það varð ljós.

⁴Guð sá, að ljósið var gott, og Guð greindi ljósið frá myrkrinu. ⁵Og Guð kallaði ljósið dag, en myrkrið kallaði hann nótt.

Það varð kveld og það varð morgunn, hinn fyrsti dagur.  

________________

Þetta datt mér í hug þegar ég hlustaði á Bjarna Benediktsson fráfarandi formann Sjálfstæðisflokksins.

__________________________

Á öðrum degi.... árið 2009, skapaði svo Guð vinstri stjórnina sem ráðið hefur heiminum síðan. Það voru meira að segja efasemdir um að Guð hefði getað gert slík mistök.

En nú er árið 2011 á enda runnið og Guð hefur tekið til við að skapa Sjálfstæðisflokkinn, glænýtt afl sem bjarga mun heimnum og kveikja það ljós sem slokknaði þegar vinstri stjórnin var sköpuð um árið.

Þegar Guð hefur lokið við að skapa þetta glænýja afl þá mun það hefjast handa við að bjarga heiminum frá þeirri ógurlegu vinstri stjórn sem varð til við upphaf lífs á Jörðinni.

Sjálfstæðisflokkurinn mun stíga niður frá himnum umvefja líf á jörðu gylltri birtu og gleði. Betur að hann hefði verið skapaður á undan vinstri stjórninni, þá væri birta og gleði um heim allan.

En þetta afl ljóssins hefur hlutverk... til þess var það skapað á haustdögum 2012, glænýtt og ferskt með sterka framtíðarsýn og óflekað frá himnum.

Sjálfstæðisflokkurinn hefur hlutverk... hlutverk sem guð sjálfur hefur úthlutað.

Landsfundur hafinn

Athugasemdir

[Kolbrún Hilmars, 17.11.2011 kl. 18:54]

Jón Ingi, ef þetta guðlega hlutverk XD þýðir að klippt verði á naflastreng 4-flokksins, þá yrði það sannkallað fagnaðarefni.

Það þýddi að aldrei framar myndu 4-flokksapparötin semja sín á milli um afslátt á stefnumálum sínum. Plottin yrðu úr sögunni. Kaupslög og gagnkvæmt bakklór líka.

Að þínu fordæmi leyfi ég mér að segja; Guð láti á gott vita!