Friðsamleg og fremur fámenn mótmæli.

Ríflega 1.000 manns voru á Austurvelli í kvöld að mótmæla og sýna samstöðu þegar Jóhanna Sigurðardóttir forsætisráðherra flutti stefnuræðu sína á Alþingi.

Það er gott að fólk mótmæli og allt annar bragur var á þessum mótmælum eða eggjakastinu á laugardaginn.

En ég er dálítið hissa á hvað þetta er þó ekki fjölmennara miðað við hádramatíkskar lýsingar á atburðarás og ástandinu í þjóðfélaginu sem formenn Framsóknar og Sjálfstæðisflokks nota gjarnan í flokkspólitískum orðaleikjum.

Sem betur fer fer ástandið á Íslandi batnandi þó langt sé enn í land og deila megi um hvort vel hafi tekist til eða mál eigi að ganga hraðar.

Það eru bara fáir sem halda því fram að " EKKERT " hafi verið gert enda er það svona " úlfur-úlfur" upphrópun, sem betur fer er það ekki þannig og gott væri að ræða það sem vel gengur af og til svona í bland við svartsýnina.

Allir hafa gott af því af og til að sjá til sólar...það er auðveldara fyrir sálina.

Samstaða á Austurvelli

Athugasemdir

[Eyjólfur G Svavarsson, 4.10.2011 kl. 17:55]

Hver hefur rétt fyrir sér? Maður er að heyra tölur frá þúsund upp í þrjú þúsund, eftir því hvaða fjölmiðill á í hlut, eða hvaða maður á í hlut, og hverra flokka hann er?? en mótmælin voru friðsamleg ég er sammála þér í því,Jón Ingi!!