Yfirbyggður golfvöllur er málið.

 

"Það verður nokkuð erfitt og kostnaðarsamt að búa til golfvöll á Grímsstöðum á Fjöllum." segir Trausti Jónsson veðurfræðingur.

Rétt er það og golfvöllur á Fjöllum verður kannski í þokkalega nothæfu standi í tvo til þrjá mánuði á ári..og flatir verða aldrei eins og golfarar vilja hafa þær. Þarna er afar misviðrasamt, og allir sem hafa verið á Fjöllum vita hvað náttúran býður upp á þarna.

En kannski væri ráð að gera þarna upphitaðan, yfirbyggðan völl þar sem hægt væri að spila 12 mánuði á ári, hafa þarna hitabeltisgróður og spegilsléttar, iðjagrænar flatir allan árins hring.

Þá munu flykkjast þangað golfleikarar úr öllum heimshornum og svæðið væri hvalreki á fjörur íslendinga.

Ætli nokkur hafi áttað sig á að ræða þetta viðskiptamódel við kínamanninn?

En það kostar kannski eitthvað smáræði að koma á fót eina 18 holu yfirbyggða golfvelli í heimi...en gæti skilað þeim sem eiga þolinmótt fjármagn.

Dýrt að gera golfvöll á Grímsstöðum

Athugasemdir

[assa (IP-tala skráð) 6.9.2011 kl. 08:16]

Ég leyfi mér að fullyrða að ætli kínamaðurinn sér að reisa þarna golfvöll þá gerir hann það og fær til þess ráðleggingar færustu manna í þeim efnum. Hitt er annað mál að það ætti að vera hægt að reikna og reikna og fá þá einhverja tölu sem maðurinn geti sætt sig við að leigja svæðið á í tiltekinn tíma. Óþarfi fyrir hann að eignast landið enda skilst mér að reglur í mörgum löndum séu á þann hátt að eftir vissan árafjölda eftir kaup þá eignast ríkið landið sjálfkrafa. Það á ekki að vera hægt að afsala útlendingum stórum hluta af landinu.