Að berjast við vindmyllur.!

 

"Umsókn Íslendinga að ESB er ráðgáta, segir Vigdís Hauksdóttir, þingmaður Framsóknarflokksins í grein sinni í veftímaritinu EU Observer í dag. Hún segir ESB-aðild eina stefnumál Samfylkingarinnar."

Vigdís Hauksdóttir er eins og Don Kíkóti...berst við vindmyllur eins og ýmsir aðrir þingmenn.

Vísað er í skoðanakannanir sem gerðar eru á tíma þegar enginn veit hvað kemur út úr viðræðum. Helst hefur maður á tilfinningunni að ofsahræðsla hafi gripið ESB andstæðinga og þeir óttist að skoðun þjóðarinnar snúist þegar í ljós kemur hvað er í boði og hvað er að vinna.

Þokkalega skynsamt fólk bíður og sér hvað kemur út úr viðræðum, ef það er ásættanlegt að mati þingsins þegar þar að kemur fer samningurinn í þjóðaratkvæði.

Þá er það þjóðin sem ákveður gagn og gæði þess að ganga í ESB, en ekki fullkomlega rakalausar og óupplýstar skoðanir hins fræga DON KÍKÓTA sem barðist við óvígan her vindmylla.

Það er ekki leiðum að líkjast ágæti þingmaður Vigdís Hauksdóttir ... og aðrir þeir sem ekkert vilja vita neitt um málið en vilja meina þjóðinni að ráða framtíð sinni.

 

Sóun á fé ESB og Íslands

Athugasemdir

[Torfi Kristján Stefánsson, 16.8.2011 kl. 10:32]

Það er nú auðvitað alveg þveröfugt! Það eruð þið Samfylkingarmenn sem berjist við vindmyllur.

Haldið áfram með samningarferlið (les aðlögunarferlið) þó svo að ljóst sé fyrir löngu að aðild að ESB er okkur mjög óhagstæð - og að allur þorri almennings sé á móti því.

Og það sem verra er. Þetta ferli hefur gert samstarf vinstri flokkanna í ríkisstjórn mjög stirt - og leitt til mjög níðingslegra árása Samfylkingarinnar á þá ráðherra VG sem eru gegn aðild.

Ferið er þannig að eyðileggja samstarfið - og mun splundra ríkisstjórninni nú þegar á haustmánuðum ef þessu linnir ekki.

Ofsahræðsla er ekki hjá andstæðingum aðildar, heldur hjá stuðningsmönnum hennar.

[Sandy, 16.8.2011 kl. 10:54]

Halló!Halló! Hvað er í boði? Ég hef ekki séð neinar þær ESB reglur sem þegar eru í gildi, sem gagnast almenningi í þessu landi neitt sérstaklega,             en þú Jón Ingi, ef svo er hverjar eru þær þá helstar?

[Hólmgeir Guðmundsson, 16.8.2011 kl. 11:08]

,, .....á tíma þegar enginn veit hvað kemur út úr viðræðum."

Hummhumm. Vilji maður ná einhverju fram getur oft verið gagnlegt að plata svolítið þá sem eru í kringum mann, ljúga að þeim. Í því ljósi verður að skoða það stefnumál Sf að ,,skilgreina okkar samningsmarkmið og láta á þau reyna í aðildarviðræðum", öðruvísi fáum við aldrei að vita hvað er í boði. Þegar þetta er látið hljóma sérstaklega spennandi er talað um að ,,kíkja í pakkann", svona eins og á jólunum.

Planið er svo að setja aðildarferlið í gang og vona að allt reddist, t.d. er eftir að spila út spilinu ,,það myndi verða til þess að draga mjög úr tiltrú og velvild gangvart Íslandi innan ESB ef samningnum yrði hafnað".

En það hefur farið minna fyrir því að ,,skilgreina samningsmarkmiðin". Að vísu sagðist Jóhanna hafa kynnt þau fyrir Merkel í sumar. Enginn annar hefur þó fengið að heyra hver þau voru, kannski var Jóhanna búin að gleyma því að loknum fundi. Svo hefur formaður samninganefndarinnar sagt að samningsmarkmiðin verði skilgreind eftir hendinni.

Annars skal ég segja ykkur hvað kemur út úr ,,aðildarviðræðum", hvað er í pakkanum. Það er aðild að ESB, ekkert meira og ekkert minna. Að vísu getur verið að það þýði eitthvað allt annað eftir 10 ár en það gerir núna, það vitum við ekki og ráðum engu um það hvort sem við erum innan eða utan bandalags.

Eins og ég sagði getur oft hjálpað að ljúga svolitlu að þeim sem í kringum mann eru. Það er þó oft skammgóður vermir því oftast nær kemur hið sanna í ljós á endanum. Önnur hætta er svo sú að lygarinn fari sjálfur að trúa eigin lygi.

[Eggert Sigurbergsson, 16.8.2011 kl. 12:44]

Þetta eru framtíðarmarkmið sambandsins sem JIC telur að Íslendinga flykkist um:

 

Skýrsla Evrópunefndarinnar bls 98

"4.5.3.1. Úthlutun aflaheimilda og meginreglan um hlutfallslegan stöðugleika

Í grænbók framkvæmdastjórnarinnar um endurskoðun sjávarútvegsstefnunnar árið 2001 kemur fram að framkvæmdastjórnin hafi á þeim tíma ekki séð raunhæfan valkost við regluna um hlutfallslegan stöðugleika. Hins vegar kemur einnig fram að þegar búið verði að taka á vandamálum innan sjávarútvegsins og efnahagslegar og félagslegar aðstæður innan greinarinnar verði orðnar stöðugri væri hægt að endurskoða þörfina á að viðhalda reglunni um hlutfallslegan stöðugleika og möguleikann á því að leyfa markaðsöflum að starfa á sviði fiskveiða eins og annars staðar í efnahagslífinu. Svipuð sjónarmið koma fram í vegvísi fyrir framkvæmd endurbóta á sameiginlegu sjávarútvegsstefnunni, en þar segir m.a. að endurbæturnar geti með tímanum skapað hagstæðari aðstæður fyrir notkun venjulegra efnahagslegra skilyrða á sviði fiskveiða og fyrir afnámi hindrana á borð við úthlutun aflaheimilda til aðildarríkja og meginreglunnar um hlutfallslegan stöðugleika."

http://www.forsaetisraduneyti.is/media/frettir/SkyrslaEvropunefndar-.pdf

 

LANGTÍMAMARKMIÐ SAMBANDSRÍKISINS:

AFNÁM MEGINREGLUNNAR UM HLUTFALLSLEGAN STÖÐUGLEIKA!

AFNÁM HINDRANA Á BORÐ VIÐ ÚTHLUTUN AFLAHEIMILDA TIL AÐILDARRÍKJA!

 

Ísland er eina þjóðin sem þarf að gefa frá sér sína stærstu auðlind gegn því að fá að taka þátt í að leggja sambandinu fé um ókomnar kynslóðir, Bretar eru þegar búnir að komast að því að aðgangur að innri markaði stendur ekki undir kosnaði við aðild þeirra. Norðmenn höfnuðu ESB TVISVAR af því að þeir gerðu sér grein fyrir að sambandið yfirtæki fiskveiðiauðlindina með húð og hári.

 

Fiskveiðar eru BARA UMHVERFISMÁL í augum meginlandsbúa, þær hafa ekkert vægi í þeirra hagkerfum og því þurfa þeir ekki að fórna einu né neinu.

 

Hér er svo sérlausnarpakki Össurar:

"

Skýrsla Evrópunefndarinnar bls 103

4.5.3.10. Sérlausnir tengdar sjávarútvegsstefnu Evrópusambandsins í aðildarsamningum

Yfirlýsingar um sjávarútvegsmál, eins og fylgdu t.d. með aðildarsamningi Norðmanna, hafa þó fyrst og fremst pólitískt gildi og geta hjálpað til við að skýra einstakar lagagreinar, en lagalegt

gildi þeirra er hins vegar takmarkað. Sérútfærslurnar hafa fyrst og fremst falið í sér sérstök stjórnunarkerfi sem byggjast á verndarsjónarmiðum. Það á t.d. við um þau sérstöku stjórnunarkerfi sem Malta og Lettland sömdu um, en þau byggjast á verndarsjónarmiðum og fela ekki í sér undanþágu frá sjávarútvegsstefnu ESB.

"

Væntanlegar yfirlýsingar Íslendinga um sjávarútvegsmál vegna aðildarsamningsins, sem varað hefur verið við, munu ekki hafa neitt lagagildi. 

[Kristinn (IP-tala skráð) 16.8.2011 kl. 12:53]

Þokkalega skynsamt fólk hættir að sóa tíma og fé í þessa vitleysu. Ísland mun ekki ganga í ESB.

[runar (IP-tala skráð) 16.8.2011 kl. 13:00]

Sæll Jón Ingi

Þú kallar fólkið sem styður aðildarumræður skynsamt.

Svo segir þú að skoðanir þeirra sem engan áhuga hafa á aðild séu"fullkomlega rakalausar og óupplýstar" og punktar svo setninguna með að líkja þessum hóp við "DON KÍKÓTA sem barðist við óvígan her vindmylla".

Er það einungis mér sem finnst(a.m.k miðað við texta þeirra í bloggheimum)að samfylkingarmenn telji sig betur upplýsta, betur menntaða og hafa hærri greindarvísitölu en þeir sem utan flokksins standa eða hafa aðra sýn á málefnum líðandi stundar ?

Rauði þráður skrifa þinna er að vel gefið fólk gefi aðild séns.

Það var nú ekkert lítið fjallað um að nei sinnar gegn icesave væru fólk með minni menntun og (nánast sagt beint út) minni greind en já sinnar.

Síðan var þessi hópur sagður ekkert annað en þjóðernissinnað minnimálsfólk, nánast white-thrash.

Já sinnar (oftast samfylkingarmenn) minntust ítrekað á þetta vikurnar fyrir atkvæðagreiðslu, héldu eflaust að meðvirk smámenni mundu trúa því að þeir mundu hoppa upp um greindarmengi ef þeir segðu já.

PR starf vinstri manna fyrir icesave kosninguna ber ekki vott um mikla greind, PR starfið ykkar er líklega skólabókadæmi um lélegasta áróður sem gerður hefur verið, þá er ég ekki einungis að tala um á Íslandi, nei, kúlan öll er tekin með.

Þetta snérist allt í höndunum á ykkur nema þegar þið blönduðuð Vigdísi í málið, það fannst mér sniðugt, ekki vega þess að hún hefur vægi, heldur vegna þess að þegar orðljótir nei sinnar veittust að henni þá fékk málstaður ykkar samúðarstig.

Á 38 ára æfi hef ég fáa hluti lært sem fullkomnar staðreyndir, en eitt hef ég sett sem fasta.. fólkið sem upphefur eigin greind byggða á trú á sínum "fáguðu" skoðunum/lífsviðhorfum er einmitt fólkið sem fellir meðalgreindarvísitölu allra hópa/einstaklinga sem næst þeim standa hverju sinni.

Hvað haldið þið (yfirleitt samfylkingarmenn) að þið séuð ??

Ég vill ekki sjá esb aðild, ekki sjá hana, aldrei.

Trúir þú því Jón Ingi, trúir þú því virkilega að þín skoðun sé þ.a.l "fágaðri" og betur ígrunduð en mín skoðun ?

Þú ert eflaust ágætur einstaklingur Jón, en gerðu það fyrir mig að gefa löndum þínum sem annan málstað verja örlitla virðingu, þú færð hana margfalt til baka.

Bestu kveðjur..

[Benedikt V. Warén, 16.8.2011 kl. 13:52]

Íslenski Don Kikótinn er Jóhanna Sigurðardóttir.  Fæstir í Samfylkingunni skilja það, að það er sama hversu litskrúðugir ESB-pakkarnir eru og innihaldið ljúffengt, það gildir bara rétt á meðan verið er að ljúga að þjóðinni í þeirri veiku von að innganga verði samþykkt.

Þingmenn i Breussel eru ekkert heiðarlegri né meira vandir að virðingu sinni, en samnefnarar þeirra í Samfylkingunni.  Fyrst er lofað,  síðan er skrifað undir og þá er svikið.

Hvernig var þetta nú í samningunum í vor?  Fullt af verklegum framkvæmdum lofað af Jóhönnu og Steingrími, síðan skrifað undir samninga og nú kannast stjórnin ekki við neitt.

Þrautavaraleið stjórnmálamannanna er síðan.  "Það var fyrri ríkisstjórn sem lofaði þessu, - við erum ekki bundnir af því".  Þannig er leikflettan á Íslandi og þannig eru hún í Brussel einnig.  Hættulegustu alþjóðlegu glæpahringirnir eru; - stjórnmálaflokkarnir.

Gleymun ESB.  Munum; - brennt barn forðast eldinn.  Það ættu Samfylkingarmenn einnig að reyna að tileinka sér.