Óskynsamlegt kattagjald tryggir óbreytt ástand.

 

Nú eru nýjar reglur um kattahald á Akureyri farnar að tikka. Auglýst er að kattaeigendur geta mætt og látið skrá ketti sína frítt í andyri ráðhússins.

Töluverðar umræður sköpuðust um þessar reglur sem eru ágætar í sjálfu sér en fyrirhuguð gjaldtaka út úr öllu korti og það lang hæsta á ölllu landinu. Fyrst til að byrja með er skráningargjald ekkert en mun verða krónur 10.000 eftir ákveðin aðlögunartíma.

Þá liggur fyrir að kattaeigendur á Akureyri þurfa að greiða ..

10.000 krónur             Skráning...einu sinni.

 6.000 krónur               Árgjald    

 3.000 krónur              Trygging.

Þar með liggur fyrir að íbúum á Akureyri er gert að greiða langhæsta gjald fyrir að halda kött sem þekkist á Íslandi. Ekkert er í boði fyrir þessa upphæð fyrir hvern og einn eins og þó  tíðkast víða.

Ég er mjög fylgjandi reglum um kattahald og hafði frumkvæði að því að slíkar reglur voru settar á sínum tíma á Akureyri.

En því miður hefur bæjarstjórn hér skotið illa yfir markið með að hafa gjöldin allt of há og uppsker með því að ástandið verður óbreytt og árangurinn enginn. Stærstur hluti kattaeigenda mun ekki mæta með ketti sína til skráningar enda ekkert í boði fyrir þá upphæð sem ákveðin er og engin þjónusta í boði fyrir kattaeigendur af hálfu bæjarins.

Tryggingagjaldið er síðan kapítuli útaf fyrir sig því allir sem halda kött vita að líkur á að köttur valdi tjóni sem talandi er um eru litlar sem engar og þetta gjald því aðeins gjöf bæjaryfirvalda til einhvers valins tryggingafélags.

Að mínu mati er þetta háa gjald ólöglegt því ekki er séð að nokkur sá kostnaður falli á sveitarfélagið sem réttlætir gjaldið og það þar með orðið skattheimta sem er óheimilt því aðeins er löglegt að innheimta þjónustugjöld fyrir sannanlegum kostnaði.

Heildartekjur bæjarins ef allir létu skrá sína ketti gæti numið 30 - 40  milljónum árlega og allir sem til þekkja vita að það gjald er út úr öllu korti hvað varðar kostnað bæjarins af kattahaldi bæjarbúa. 

Ef bæjaryfirvöld sýndu skynsemi og lækkuðu gjöldin niður í sanngjarna upphæð sem skilaði nægu í kassann uppskæri hún jákvæðni bæjarbúa og þátttöku í verkefninu. Allir græddu og allir kettir væru skráðir og samvinna yrði um verkefnið " Reglur um kattahald" en með þessu verður bara stríð þar sem fæstir ef þá nokkrir mæta með dýr sín til skráningar.                                      

Athugasemdir

[Óskar Þorkelsson, 8.6.2011 kl. 18:51]

óskráður köttur = meindýr og afgreitt sem slíkt !

[Ágúst J. (IP-tala skráð) 8.6.2011 kl. 19:00]

Þetta er mjög sanngjarnt gjald mætti þó  vera hærra.   Gæludýrahald í þéttbýli er vandasamt.

[Jón Ingi Cæsarsson, 8.6.2011 kl. 20:41]

Meðan gjaldið er 9.500 árlega á Akureyri er það víðast frá 2.500 - 5.000 í þeim sveitarfélögum sem hafa reglur um þetta málefni. Væri sanngjarnt á þeim nótum.. enda ólöglegt að nýta slík þjónustugjöld sem skatt.

[Ragnheiður Gunnarsdóttir (IP-tala skráð) 9.6.2011 kl. 13:40]

Þetta gjald er alltof hátt. Af hverju eigum við Akureyringar að hafa hærra gjald en allir aðrir? Ég þekki helling af kattafólki sem ætlar ekki að skrá kettina sína fyrr en gjaldið hefur verið lækkað. Á Suðurnesjum var sett á gjald árið 2004 og nýlega var birt viðtal við yfirmann heilbrigðiseftirlitsins um að það hefði engu skilað. Þetta væri bara ekki rétta leiðin. Það eina sem þetta skilaði voru enn fleiri dýr á vergangi. Það er nú þegar byrjað hér. Var að tala við konu á dýraspítala hér í bæ sem sagði að kettir væru farnir að finnast í auknari mæli út um allan bæ hérna. Þetta er greinilega það sem fólk vill.