Að misnota aðstöðu sína.

Samtökin segja að ferðaþjónustan sé sérstaklega viðkvæm fyrir slíkum truflunum og  þær séu afar slæmar fyrir ímynd og orðspor Íslands sem ferðamannalands.  Ferðamenn forðist almennt svæði þar sem búist sé við slíkum truflunum.

Það hefur loðað við svo lengi að ég man eftir mér að stéttir tengdar flugi hafa reynt að skara eld að eigin köku umfram aðrar stéttir í landinu.

Það hefur lítið breyst og enn og aftur sjáum við þetta gerast og þrátt fyrir að allir ættu að vera meðvitaðir um nauðsyn þess að allir standi saman við endurreisn efnahagskerfa landsins. Þar spilar ferðamannaþjónustan lykilhlutverki og árangur á þeim sviðum hefur verið afar góð. Í ár stefnir í besta ferðamannasumar frá upphafi.

En sumum er eigin hagur mikilvægari en samstaða og samvinna og þeir eru tilbúnir að beita þrýstiaðgerðum til að fá meira til sín en aðrir. Þar með bitna aðgerðir þeirra á þjóðarhag og tjónið af slíku kostar þjóðarbúið og fyrirtækin í landinu milljarða...jafnvel milljarðatugi ef ferðamenn hrökklast frá landinu af ótta við slíkar aðgerðir.

Ég held að flestir séu sammála um að flugvirkjar eigi rétt á því sama og aðrir í kjarasamningum en ekkert umfram það...enda er stéttin nokkuð vel launuð miðað við meðaltölin.

Annað er sorgleg frekja og að beita þrýstiaðgerðum til að ná meiru en aðrir er til lítils sóma og ber vott um sorglega sjálflægni.

Hafa þungar áhyggjur af verkfallsaðgerðum