Ríkissjóður á að gefa eftir af sínum hlut.

4.6.2011 | 09:47

Ríkissjóður á að gefa eftir af sínum hlut.

Síðustu áramót var algengt verð á bensíni hjá stóru olíufélögunum tæplega 208 krónur. Vörugjald og kolefnisgjald var síðan hækkað á nýársdag en framhaldið þarf vart að rekja.

Hækkanir á eldsneyti leiða til þess að olíu og bensínsala dregst sama með tilheyrandi afleiðingum. Landinn ferðast minna, við kaupum minna, við hættum að rúnta á sunnudögum og fá okkur ís og tilheyrandi.

Niðurstaða ofsköttunar í þessum geira skilar ekki tekjum í ríkissjóð enda má sjá tölur allt að 20% samdrátt á fjölförnum leiðum eins og Suðurlands og Vesturlandsvegi. Samdráttur á Holtavörðuheiði er 16%.

Það væri skynsamlegt í ljósi aðstæðna að ríkissjóður gæfi eftir af sínum hlut, ég er sannfærður um að tekjur hans í heildina mundi ekki dragast saman, þær mundu skila sér í aukinni umferð svo ekki sé nú talað um aukningu í þjónustu og verslun.

Ég skora á ríkisstjórnina og alþingsmenn að sameinast í þessari aðgerð og lækka bensín og olíuverð vel niður fyrir 200 kallinn.

Það er ofmat og þröngsýni að halda að ofsköttun sé leið til aukinna tekna...þannig gerast kaupin einfaldlega ekki á eyrinni.

	Bensínið dýpkar kreppuna
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Þannig að það sem þú ert að seigja er að Samfylkingin sé ekki starfi sínu vaxin? Það vita það allir að VG er bara áhorfandi í þessari Ríkisstjórn enda eru allar ákvarðanir teknar af Samfylkingu.

Brynjar Þór Guðmundsson, 4.6.2011 kl. 11:44

Ég veit ekki til að nokkur flokkur á Alþingi hafi lagt þetta til með formlegum hætti....... ég lýsi eftir því... óháð flokkslínum

Jón Ingi Cæsarsson, 4.6.2011 kl. 11:48

en vegatollana.. ertu hlynntur þeim ?

Óskar Þorkelsson, 4.6.2011 kl. 12:40

Vegtolla ??? ég er hlyntur framkvæmdum sem byggja á hóflegu notkunnargjaldi... enda sæki þær ekki fjármuni til skattgreiðenda sem er í sjálfu sér skattur sem kalla mætti vegtolla eða vegskatta þegar sanngjarnt er skoðað.

Jón Ingi Cæsarsson, 4.6.2011 kl. 12:43

datt það í hug.. eigum við ekki bara að sleppa vegatollunum og hafa bensínverðið eins og það er ?

Óskar Þorkelsson, 4.6.2011 kl. 12:46