Hvar er Samkeppniseftirlitið ?

 

Verð á dísilolíu er nú 235,60 krónur lítrinn hjá Orkunni og 0,10 krónum hærra hjá Atlantsolíu. Bensínlítrinn kostar 239,30 krónur bæði hjá Orkunni og Atlantsolíu. 

Samkeppniseftirlitið mætir með hundrað manns til að skoða gosflöskustæður í verslunum.

Þegar kemur að samkeppni á bensínmarkaði virðast önnur lögmál gilda. Þar er endalaust samráð og ekkert gert í málinu. Engin virk samkeppni er á þeim markaði.

Gott dæmi eru þessir dásamlegu 10 aurar sem munar alltaf á verði Orkunnar og Atlantsolíu...

Persónulegra finnst mér það merkilegra mál en hvar menn stilla upp Kókflöskum eða Pepsi.

En svona er þetta... samkeppni á olíumarkaði virðist utan lögsagnarumdæmis Samkeppnisstofnunar síðari árin.

Dísilolía lækkar meira

Athugasemdir

[Gunnar Heiðarsson, 6.5.2011 kl. 13:31]

Það kemur ekki oft fyrir að ég sé sammála þér Jón Ingi, enda nokkuð langt á milli skoðana okkar í pólitík.

En nú tek ég undir hvert orð hjá þér. Það er magnað hvað olíufélögin eru alltaf samstíga í verðlagningu og ekki má heldur gleyma þeirri staðreynd að aldrei líður meira en sólahringur frá því fyrsta félagið breytir verði hjá sér, þar til það síðasta hefur breytt sínu verði.

Þetta er verðugra verkefni fyrir samkeppnisstofnun en hvernig flöskum er raðað í verslunum!

[Sigurgeir Jónsson, 6.5.2011 kl. 14:46]

Hvar er Samfylkingin.

[Óskar Þorkelsson, 7.5.2011 kl. 06:52]

í noregi þar sem ég bý breyta olíufélögin verðinu nokkrum sinnum á dag.. ef eitt félag lækkar verð (já hér lækka menn verð líka) þá lækka hin strax í kjölfarið og oft með nokkura mínútna millibili.. ef þetta er hægt í milljónaþjóðfélagi þá finnst mér íslensk olíufélög standa sig illa í samkeppninni ef það tekur oft meira en 1 dag að breyta verðinu :) Ef eitthvert olíufélag hækkar verðið.. fylgja hin fljót á eftir, en ekki eins snöggt og þegar lækkað er.. því hér er barist um kúnnann..

Þetta meinta samráð á íslandi er bara bull.. það er nóg fyrir þesssa kóna að skoða verið á næstu bensinstöð.. senda sms og málið er dautt.

Hvernig væri nú að menn mundu hysja upp um sig buxurnar á íslandi og krefjast sambærilegra launa og í þeim löndum sem klakverjar vilja líkjast mest ?

e.s bensínlíterinn kostaði 14.79 nok í gærmorgun.. er á 13.56 núna.. bæði verð talsvert hærri en á íslandi.

[Guðjón Sigþór Jensson, 7.5.2011 kl. 10:17]

Kannski eru þessi húfuyfirvöld steinsofandi!

GJ