Glæsilegt...árangur samstöðu og samvinnu.

"Félagið Vaðlaheiðargöng hf. var stofnað á Akureyri í morgun. Kristján sagði að forvalsgögn væru tilbúin og forvalið, sem fer fram á EES, yrði auglýst í þessum mánuði. Í forvali er verkefninu lýst og þeir sem sýna áhuga á að taka þátt í verkefninu eru metnir m.a. með tillit til fjárhagslegrar getu og verkhæfni. Síðan er ákveðið hverjir fá að taka þátt í útboðinu. Kristján sagði að forval og útboð og yfirferð yfir tilboðin tæki allt að sex mánuði. „Ef þetta gengur allt eftir þá gætum við verið að byrja á framkvæmdum í haust,“ sagði Kristján."

Glæsilegur áfangi náðist í dag. Framkvæmdir við Vaðlaheiðargöng verða að veruleika á þessu ári og ekki mörg ár í að göngin verða tekin í notkun.

Þetta er afar mikilvægt fyrir Eyjafjörð og Þingeyjarsýslur. Með þessar framkvæmd verður svæðið enn betur eitt atvinnusvæði og tengingar verða allt aðrar og öruggari á svæðinu.

Þessi árangur næst fyrst og fremst vegna þess að heimamenn eru sammála um þessa framkvæmd, vinnan hefur farið fram á markvissan og öruggan hátt og deilur um keisarans skegg hafa ekki tafið og truflað eins og sumar framkvæmdir sem ræddar hafa verið á SV horninu. Það er hægt að komast langt á samstöðu og samvinnu.

Vonandi mun síðan einhver hluti af efni sem til fellur nýtast í flughlöð á Akureyrarflugvelli en það var alltaf inni í myndini þegar skipulagsyfirvöld voru að ganga frá og móta skipulag flugvallarins á síðasta kjörtímabili.

Eins og ég áður sagði... það er hægt að ná langt þegar menn hafa sameiginlega sýn og gera sér grein fyrir mætti samstöðu og samvinnu.

Takk fyrir allir þeir sem hér hafa stýrt málum í farsæla höfn.

Veggjaldið verður hóflegt