Sorglegt metnaðarleysi skipulagsnefndar.

 

 Er það mat Skipulagsstofnunar að ástæða sé til að endurskoða aðalskipulag sveitarfélagsins í heild sinni þ.m.t. fyrir Hrísey og Grímsey.

Enn einu sinni opinberast metnaðarleysi L-listans í bæjarmálum. Þrátt fyrir að Skipulagsstofnun telji ástæðu til að endurskoða Aðalskipulagið þá ætlar núverandi skipulagsnefnd að koma sér hjá þeirri vinnu. Það er auðvitað afar grátlegt því mjög mikilvægt er að takast á við framtíðarskipan skipulagsmála á Akureyri því allir sem til þekkja vita að landrými Akureyrar er nánst að klárast og aðeins fáein svæði eftir sem til ráðstöfunar eru.

Naustahverfi til suðurs er inni á Aðalskipulagi en síðan ekkert utan reita til þéttingar byggðar.

Að ætla síðan að geyma þetta til ársins 2016 þegar liðin eru tíu ár frá síðastu heildarendurskoðun er forkastanlegt og hrikalega metnaðarlaust.

L-listinn er því miður alsendis ófær um að stjórna og reka Akureyri og við þetta megum við búa næstu rúmlega þrjú ár.

 Bókun skipulagsnefndar.

Borist hefur bréf frá Skipulagsstofnun dags. 23.11.2010 vegna fyrirspurnar um málsmeðferð aðalskipulags Hríseyjar.
Skv. 5. mgr. 16. gr. skipulags- og byggingarlaga skal sveitarstjórn þegar að loknum sveitarstjórnarkosningum, meta hvort ástæða sé til að endurskoða aðalskipulag Akureyrar 2005-2018.Í gildi eru þrjár aðalskipulagsáætlanir fyrir Akureyrarkaupstað eftir sameiningu við Hrísey og Grímsey.
Óskað er eftir afstöðu bæjarstjórnar Akureyrar til endurskoðunar aðalskipulags í öllu sveitarfélaginu. Er það mat Skipulagsstofnunar að ástæða sé til að endurskoða aðalskipulag sveitarfélagsins í heild sinni þ.m.t. fyrir Hrísey og Grímsey.

Skipulagsnefnd leggur til við bæjarstjórn að neðangreind bókun verði samþykkt. Skipulagsnefnd telur ekki þörf á að endurskoða Aðalskipulag Akureyrar 2005-2018 að svo stöddu en leggur til að gerðar verði þær aðalskipulagsbreytingar sem þörf er á, þ.m.t. á aðalskipulagi Hríseyjar 1988-2008. Aðalskipulag Grímseyjar 1996-2016 er í gildi og ekki þörf á breytingum að sinni.
Stefnt verði að því að endurskoða þessar þrjár aðalskipulagsáætlanir fyrir 2018 til að samræma stefnu í einstökum málaflokkum og hefja undirbúning að þeirri vinnu á árinu 2016.