Vanhæfi í framkvæmdaráði ?

 Fyrir nokkru var tekið fyrir erindi frá Isavia..sem er sama fyrirbærið og var Flugmálastjórn hér áður. Þar er verið að fjalla um uppsögn þjónustusamnings um viðbúnaðarþjónustu á Akureyrarflugvelli. Hér má sjá þá bókun. 

4. Isavia ohf - uppsögn þjónustusamnings um viðbúnaðarþjónustu á flugvellinum á Akureyri
2010110004
Lagt fram bréf dags. 27. október 2010 frá Birni Óla Haukssyni forstjóra Isavia ohf um uppsögn á þjónustusamningi um viðbúnaðarþjónustu, vegna niðurskurðar og breytinga á flugvallarreglugerð.

Framkvæmdaráð samþykkir að fela Helga Má Pálssyni bæjartæknifræðingi að vinna áfram að málinu.

Það vakti athygli mína að viðstaddir þessa afgreiðslu eru.

Nefndarmenn		Starfsmenn
	Oddur Helgi Halldórsson formaður Halla Björk Reynisdóttir  Silja Dögg Baldursdóttir  Njáll Trausti Friðbertsson  Sigfús Arnar Karlsson		Helgi Már Pálsson  Jón Birgir Gunnlaugsson  Tómas Björn Hauksson  Bergur Þorri Benjamínsson fundarritari

Þetta er áhugavert því ég veit ekki betur en þeir nefndarmenn sem rauðlitaðir eru séu starfsmenn Isavía.

Ef svo er þá hefur formaður nefndarinnar og nefndarmennirnir sjálfir komið sér á afar grátt svæði með þessari afgreiðslu. Að mínu mati eru þeir vanhæfir og hefðu átt að víkja af fundi. Það ætti öllum að vera ljóst eftir alla þá umræðu um heiðarlega pólitík að svona lætur maður ekki gerast.

Gaman væri að heyra frá formanni ráðsins hvort hann telji þetta í besta lagi eða hvort þarna hafi verið gerð mistök.

Athugasemdir

[Oddur Helgi Halldórsson, 16.11.2010 kl. 10:56]

Stjórnsýslulög

1993 nr. 37 30. aprílII. kafli. Sérstakt hæfi.


3. gr. Vanhæfisástæður.


Starfsmaður eða nefndarmaður er vanhæfur til meðferðar máls:

   1. Ef hann er aðili máls, fyrirsvarsmaður eða umboðsmaður aðila.

   2. Ef hann er eða hefur verið maki aðila, skyldur eða mægður aðila í beinan legg eða að öðrum lið til hliðar eða tengdur aðila með sama hætti vegna ættleiðingar.

   3. Ef hann tengist fyrirsvarsmanni eða umboðsmanni aðila með þeim hætti sem segir í 2. tölul.

   4. Á kærustigi hafi hann áður tekið þátt í meðferð málsins á lægra stjórnsýslustigi. Það sama á við um starfsmann sem fer með umsjónar- eða eftirlitsvald hafi hann áður haft afskipti af málinu hjá þeirri stofnun sem eftirlitið lýtur að.

   5. [Ef hann á sjálfur sérstakra og verulegra hagsmuna að gæta, venslamenn hans skv. 2. tölul. eða sjálfseignarstofnun eða fyrirtæki í einkaeigu sem hann er í fyrirsvari fyrir. Sama á við ef næstu yfirmenn hans hjá hlutaðeigandi stjórnvaldi eiga sjálfir sérstakra og verulegra hagsmuna að gæta. Verði undirmaður vanhæfur til meðferðar máls verða næstu yfirmenn hans aftur á móti ekki vanhæfir til meðferðar þess af þeirri ástæðu einni.]¹⁾

   6. Ef að öðru leyti eru fyrir hendi þær aðstæður sem eru fallnar til þess að draga óhlutdrægni hans í efa með réttu.


Eigi er þó um vanhæfi að ræða ef þeir hagsmunir, sem málið snýst um, eru það smávægilegir, eðli málsins er með þeim hætti eða þáttur starfsmanns eða nefndarmanns í meðferð málsins er það lítilfjörlegur að ekki er talin hætta á að ómálefnaleg sjónarmið hafi áhrif á ákvörðun.