Alþingismenn og varamenn þeirra jafn sekir.

 

"Mörður Árnason, þingmaður Samfylkingarinnar, sagði á Alþingi í dag, að ríkisstjórn Sjálfstæðisflokks og Samfylkingarinnar, sem var við völd árin 2007 til 2009 hefði sýnt af sér alvarlega vanrækt og stórkostlegt gáleysi."

Má vel vera, en ef svo er sé ég sömu sök hjá þingmönnum og varaþingmönnum sama tímabils og ef til vill líka þeirra þingmanna sem sátu þing frá 2003 - 2007 ekki síður.

Það fór lítið fyrir gagnrýnni umræðu í þingsölum meðan óveðursský hrönnuðust upp við sjóndeildarhring. Það er gott að vera vitur eftirá...en hvar voru viðkomandi þingmenn meðan þetta var að gerast.

Í mínum huga er sök engu síður hjá þeim þingmönnum sem þá sátu á Alþingi og mér finnst svona eftirágagnrýni alltaf frekar billegt fyrirbæri. Ráðherrar sitja í ábyrgð þingflokka sinna sem velja þá til starfa þannig að ég vona að þingmenn þess tíma viti að þeir eigi hlut að máli, sé rétt að um vanrækslu hafi verið að ræða.

Alvarleg vanræksla og stórkostlegt gáleysi

Athugasemdir

[Óskar Þorkelsson, 27.9.2010 kl. 22:13]

....... ég skil þig ekki Jón.. ertu að meina að Mörður sé sekur og eigi því að þegja ? það sjá allir sem vilja sjá að ISG er sekari en flestir fyrir utan Geir Haarde sjálfan.. þá er ég að tala um árin 2006-2008.

[Jonsi (IP-tala skráð) 27.9.2010 kl. 23:45]

Einmitt!

Það voru allir þingmenn sekir, og líka almenningur og dagblöð fyrir að segja og athafast ekki neitt. Ef við meigum ekki byrja málsóknina hjá þeim hæstráðandi, og ekki á neinum tímapúnkti í sögunni, því eitthvað gerðist á undan og á eftir, þá gengur þetta auðvitað ekki.   Þá gengur svo sem ekkert að fara í mál út af einu eða neinu. 

Mig minnir samt að dómsmálakerfi vinni sig út frá einhverju og einhverjum, þó svo að grunur leiki á að fleirri hafi átt sök og þó svo að brotin hafi verið fleirri.  Jæja, hvað um það, sleppum þessu bara. Horfum framm á veginn.