Lítið vantar til að tengja Krossanesborgir.

 

Það er ekki langur spölur eftir til að tengja aðkomu Krossanesborga göngu og hjólreiðastígum með bundnu slitlagi.

Þetta er spölurinn frá horninu ofan BYKÓ og sést hin nýja aðkoma við Óðinsnes í fjarska. Þetta eru ekki nema 2-300 metrar. Gott væri að fá bundið slitlag á þetta í sumar.. og vonandi stæðið við borgirnar líka ef sigið er hætt.

 

 

 

Heldur lengri spölur er eftir frá Krossanesbraut. Þar var efnið gert klárt fyrir göngu og hjólreiðastíginn í fyrra og ég var að vona að þetta yrði klárað í sumar, bæði gatan og stígurinn. Afar mikilvægt er að ljúka þessari götu til að koma þungaumferð af Hörgárbraut, Undirhlíð og Hjalteyrargötu.

 

 

 Þegar búið verður að ganga frá Óðinsnesinu og göngu og hjólreiðastíg meðfram þeirri ágætu götu opnast alveg nýjar og skemmilegar leiðir fyrir hjólreiðamenn. Jafnframt á þessi leið að verða flutningabílum aðgengilegri og betri en þær krókaleiðir sem þarf að fara í dag. Að vísu vantar á að ljúka endurbyggingu hluta Krossanesbrautar frá Becromal að Jötunfelli við gatnamót Hlíðarbrautar.