Kjánahrollur sækir að við slíka þröngsýni.

 

„Nú blásum við í herlúðra og berjumst gegn þessu,“ segir Unnur Brá Konráðsdóttir alþingismaður Sjálfstæðisflokks um þá ákvörðun leiðtoga Evrópusambandsins að hefja viðræður um aðild Íslands að Evrópusambandinu.

Það sækir að manni kjánahrollur. Sorglegt þegar maður verður vitni að jafn kjánalegum yfirlýsingum eins og þessari. Að þingmaður skuli ekki hafa dýpri skilning á málum en þetta ber vitni.

Viðræður um hugsanlega aðild Íslands að ESB hefjast og ef til vill lýkur þeim með að ekki nást ástættanlegir samningar sem menn treysta sér til að fara með í atkvæðagreiðslu. Þá er þessu lokið í bili. Ef til vill fara mál í þjóðaratkvæði og þá tekur þjóðin afstöðu og samþykkir eða hafnar aðild.

Svo stökkva fram asnalegir þingmenn og ætla að berjast gegn einhverju sem þeir vita ekki hvað er. Það er í besta falli kjánalegt en í versta falli lítilsvirðing á þeirri staðreynd að þjóðin á að taka þessa ákvörðun í ljósi upplýstrar umræðu og að fenginni niðurstöðu úr viðræðum og skoðun á málum.

Sumir þingmenn eru enn staddir á hinum myrku miðöldum þegar draugar riðu röftum og uppsýst umræða var bönnuð.

Af Bakkabræðrum var sögð lokasaga.

Það hef ég seinast frétt af þeim bræðrum Eiríki og Helga að þeir sáu tungl í fyllingu koma upp úr hafi og gátu síst skilið í, hvað það væri.

Fóru þeir þá til næsta bæjar og spurðu bóndann þar hvað þessi hræðilega skepna væri.

Maðurinn sagði þeim að það væri herskip. Við það urðu þeir svo hræddir að þeir hlupu inn í fjós og byrgðu bæði dyr og glugga svo engin skíma næði inn til þeirra, og þar er sagt þeir hafi svelt sig í hel af ótta fyrir herskipinu.

Blásum í herlúðra

Athugasemdir

[Jón Valur Jensson, 18.6.2010 kl. 01:49]

Er ekki þröngsýnin þín?

Er þjóðráð að breytast í peð?

[Jón Ingi Cæsarsson, 18.6.2010 kl. 06:56]

Jón Valur... ég vil kanna mál..hverjir eru möguleikar..semja ef það er vænlegt ekki ef það skilar okkur engur. Ef samið þá fer málið í þjóðaratkvæði.

Það sem þú vilt ..ekki kanna neitt og draga fyrir eins og Bakkabræður. Það er þröngsýni samkvæmt orðabókinni.

[Reynir Stefánsson (IP-tala skráð) 18.6.2010 kl. 09:13]

Nú fara viðræður í gang eftir nokkra mánuði og þá kemur í ljós hvort samningar nást.  Ef svo er þá tekur maður afstöðu til hans á málefnalegum nótum og kýs með eða á móti.  Það er ekki hægt að hafa þetta lýðræðislegra .

[Jón Valur Jensson, 18.6.2010 kl. 10:09]

Jón Ingi, þú virðist halda, að hægt sé að semja um að halda fullveldinu, en það er ekki hægt. Þú virðist ímynda þér, að unnt sé að semja um að halda stjórn okkar á sjávarútvegsmálum, en það er heldur ekki hægt. Upplýstu nú lesendur þína um það, hversu miklu þú ert reiðubúinn að fórna af sjálfstæði okkar, fullveldi og yfirráðum yfir auðlindum okkar, umfram allt löggjafarvaldi yfir okkar eigin málum, okkar eigin landi og þjóð.

[Árni Gunnarsson, 20.6.2010 kl. 16:26]

Esaú seldi frumburðarréttinn fyrir baunadisk og þetta þótti merkisatburður í Biblíunni.

Evrópusinnar vilja fá að sjá hversu marga baunadiska þeir geta fengið fyrir landið sem forfeður - og mæður þeirra fórnuðu lífinu til að geyma handa þeim.

Neðar komast Íslendingar nú ekki. 

Það ætti öllum að vera skiljanlegt að Ísland er ekki samanburðarhæft við löndin á meginlandinu þar sem fimm eða sex beljur míga í sama lækinn.