Þægileg verkefni fyrir L - lista. Flestu lokið eða er að ljúka.

 

Hér eru punktar úr stefnuskrá L - lista fólksins og staða þeirra mála sem nefnd eru.

Umhverfismál.

 Leiðir:

• Ráðumst í öll ábatasöm umhverfisverndarverkefni
• ( Fremur almennur punktur sem erfitt er að henda reiður á en ábatasöm hefur ákveðna merkingu.)
• Nýsköpun, atvinna og tenging háskóla við umhverfisvernd
• ( Háskólinn ekki á vegum Akureyrarbæjar og punkturinn afar óljós og óræður.
• Mótum skýra umhverfisstefnu í anda Staðardagskrá 21
• Verkefni þessu lauk 1999 og nýlokið er endurskoðun Staðardagskrár 21
• Förgun sorps verði á höndum Akureyrarbæjar í framtíðinni
• Umhverfisnefnd lauk þessu verkefni á vordögum og útboði lokið og verkefni hafið. Bæjarráð og framkvæmdanefnd hefur lokið og gengið frá útboði og samningum við Gámaþjónustu Norðurlands til 8 ára.
• Samræma skilti og merkingar innan bæjarins
• Væntanlega er hér átt við umhverfismerkingar og allir staðir á umhverfissviði vandlega merktir með vönduðum skiltum.
• Göngustígur meðfram Glerá kláraður
• Deiliskipulag sent bæjarstjórn til samþykktar á fundi skipulagsnefndar nýverið og framkvæmdin ein eftir.
• Laga útivistarsvæði bæjarins og bæta afþreyingarmöguleika
• Deiliskipulagning Kjarnaskógar á lokastigi, Glerárdalsskipulag í vinnslu, Krossanesborgir þegar friðlýstar, endurheimt votlendis í Naustaborgum hafið í verkefninu countdown 2010
• Átaksverkefni í að fræða og hjálpa bæjarbúum sem og fyrirtækjum að fara af stað í að flokka sorp
• Frágengið í tengslum við útboð á úrgangsmálum Akureyrar og búið að ganga frá útboði og verkefnið hafið.
• Allar bifreiðar í eigu Akureyrarbæjar gangi fyrir vistvænni orku innan 10 ára
• Gott markmið en ætti ekki að taka 10 ár.

Merkilegt að hér er hvergi minnst á Hrísey eða Grímsey og ljóst að L-listinn hefur gleymt mikilvægi umhverfismála fyrir eyjahverfi Akureyrar. Vonandi skerpist minni þeirra þegar verkefnin fara að birtast á næstunni.

L - listinn tekur við góðu búi í umhverfismálum og ljóst af stefnuskrá þeirra að þeir bæta fáu við og er í sjálfu sér áhyggjuefni.