Hin fullkomna afneitun.

 

"Gunnar Bragi Sveinsson, formaður þingflokks Framsóknarflokksins segir að oddviti flokksins í Reykjavík hljóti að íhuga sína stöðu, eftir slæma útkomu í kosningunum á laugardaginn. Hann fagnar því uppgjöri sem nú á sér stað innan Framsóknarflokksins í borginni."

Maður er eiginlega steinhissa á skilningsleysi ýmissa innan hefðbundinna stjórnmálaflokka. Það er eins og margir þeirra hafi bara alls ekki náð hvað er um að vera á Íslandi.

Stjórnmálaflokkar og stjórnmálamenn hafa gengið mjög nærri almenningi og síðustu mánuði hefur uppnáminð á Alþingi ekki farið framhjá nokkrum manni. Formaður Framsóknarflokksins hefur farið fremstur meðal jafningja að halda uppi ómálaefnalegum og makalausum málflutningi sem þjóðinni blöskrar. Að leggja stein í götu uppbyggingar í nafni flokkshagsmuna er skammarlegt athæfi sem hinn háværi formaður Framsóknarflokksins hefur gert sig sekan um.

Þegar bætist síðan við augljós valdabarátta milli einstaklinga í Framsóknarflokknum í Reykjavík er maður bara eiginlega hissa á að þeir skyldu þó fá eitthvað fylgi. Framsóknarflokkurinn í Reykjavík hefur dansað sinn dauðadans sjálfur og óstuddur og að reyna að kenna einhverjum einum um það er í besta falli heimskulegt..

En Framsóknarflokkurinn er ekki einn um að þurfa í naflaskoðun...það þurfa allir stjórnmálaflokkar á Íslandi að gera ætli þeir sér framhaldslíf hjá kjósendum framtíðarinnar.

Telur að Einar eigi að íhuga stöðu sína

Athugasemdir

[Hafsteinn Björnsson, 1.6.2010 kl. 10:29]

Afneitunin hjá framsókn er bara álíka og hjá þínum eigin flokki Jón. Ætti þá Jóhanna ekki bara að víkja vegna slaks gengis í borginni? Safylking tapaði næstmest hlutfallslega frá síðustu sveitastjórnarkosningum hérna í bænum og sé miðað við fylgið í alþingiskosningum fyrir rúmu ári er algjört hrun hjá samfylkingunni.

Og að formaður framsóknar hafi lagt stein í götu uppbyggingar með hávaða er ansi hreint langsótt hjá þér. Mig langar að spyrja þig einnar spurningar; er ríkisstjórn Jóhönnu Sigurðardóttur ekki með meirihluta á alþingi? Og sé svar þitt já, langar mig að spyrja; hvernig getur formaður framsóknarflokksins stöðvað uppbyggingu í landinu með hávaða? Er ekki skýringanna að leita hjá samfylkingunni eða vg?

En hverju þykir sinn fugl fagur og að hann syngi best