Kjarnaskógur og Hamrar í deiliskipulagi.

 

 

 Að frumkvæði mín var ákveðið að deiliskipuleggja Kjarnaland og Hamra.

Það er mikil þörf á að festa skipulag í sessi og gera sögu svæðisins hærra undir höfði með merkingum og aukinni árherslu á þann þátt.

Jafnframt er mjög mikilvægt að auka og bæta þau svæði sem ætluð eru til útivistar og samkomuhalds en td hefur Steinagerðisvöllurinn látið á sjá vegna álags.

Þó má nefna að það sem er mikilvægast í þessari skipulagningu er að bæta umferðarmálin og færa veginn í gegnum skóginn og koma bílastæðum fyrir við útvistarsvæðin þannig að fólk þurfi ekki að fara yfir veginn en það er stórhættulegt og mun enda með slysi fyrr eða síðar því umferðarhraði þarna er of mikil á stundum.

Hér er bókun skipulagsnefndar síðastliðin fimmtudag en þá tók nefndin á stöðu málsins í vinnslu. Það er stutt í að bæjarstjórn fái málið til auglýsingar og er það vel.

3.  Kjarnaskógur og Hamrar. Deiliskipulag
SN090096
Skipulagsstjóri lagði fram tillögu að deiliskipulagi útivistarsvæðis Akureyringa í Kjarnaskógi og á Hömrum. Tillagan er unnin af Storð ehf, dags. 24.05.2010. Hermann Georg Gunnlaugsson mætti á fundinn og kynnti tillöguna.
Frestað.