Úrgangsmálin í höfn.

 

 

Margra ára baráttu er lokið. Ég hef allt frá árinu 1998 barist fyrir því að úrgangsmál á Akureyri verði með nútímalegu sniði, flokkun í hávegum höfð og sorphaugar hverfi af Glerárdal.

Nú er fullnaðarsigur unnin og ég er sáttur. Lífrænn úrgangur fer í vinnslu, verðmæti flokkuð til hliðar og unnin og flutt úr landi og 2011 loka sorphaugarnir á Glerárdal. Á síðasta fundi umhverfisnefndar var eftirfarandi bókað.

 

1.          Sorpmál - útboð 2010
2010020076
Forstöðumaður umhverfismála, Jón Birgir Gunnlaugsson,  fór yfir stöðu mála í samningaviðræðum við Gámaþjónustu Norðurlands ehf um sorphirðu í Akureyrarkaupstað. Einnig voru kynntar þær lausnir sem ákveðnar hafa verið þ.e. stærð íláta, fjöldi, gerð kynningarefnis og hvenær innleiðing mun byrja.
Umhverfisnefnd þakkar Jóni Birgi kynninguna og fagnar því að sorpmálin skuli vera komin í þennan farveg.

Flokkun við heimahús verður innleidd og það starf mun hefjast á næstu vikum og þá bætist Akureyri loks í hóp sveitarfélaga sem geta horft með stolti til lausna í úrgangsmálum framtíðarinnar.