Vondur þingmaður.

Vigdís Hauksdóttir er slæmur þingmaður. Æsingur, orðaleppar og dónaleg framkoma er stíll sem hún hefur tileinkað sér. Það kemur því ekki á óvart að hún fái tiltal og vonandi að hún komi fram af meiri yfirvegun og skynsemi en hefur verið fram að þessu. Þingmenn ráða því sjálfir hvaða virðingu landsmenn bera fyrir þinginu. Þingmenn sem haga sér eins og Vigdís Hauksdóttir eru sem betur fer sjaldgæfir og eiga sjaldan langra þingdaga auðið.

"Hún sagðist einnig heita því að „þegar“ Framsóknarflokkurinn kemst í ríkisstjórn á ný muni hún beita sér fyrir því „að innviðir Alþingis verði styrktir og Alþingi verði það löggjafarvald sem því er ætlað í stjórnarskrá. Fyrsta skrefið í þá átt er frumvarp um lagaskrifstofu Alþingis sem ég hef nú þegar lagt fram.“

Við skulum vona að ef Framsóknarflokkurinn á einhverntíman eftir að komast í ríkisstjórn að hann verði betur mannaður en umræddur þingmaður hefur sýnt með framkomu sinni og orðaleppum.

Sagði þingmann hafa fallið á prófi

Athugasemdir

[maggi (IP-tala skráð) 15.4.2010 kl. 12:46]

þetta er rétt hjá henni

þú er bara í sömu afneitun og Jóhanna Sigurðardóttir, Össur Skarphéðinsson og aðrir þingmenn Samfylkingar.

[Árni Þór Björnsson, 15.4.2010 kl. 13:06]

Kannski þarf að vera svolítið beinskeittur í orðavali svo tekið sé eftir innihaldi ræðunnar ! Hver þekkir ekki innihaldslausar langræður fullar af frösum,klisjum og slagorðum og eftir situr ekkert. -Hvað sagði maðurinn eiginlega ??

Það sem hún nefnir er nefnilega brotalöm í störfum Alþingis:

"Einnig spurði hún hvers vegna löggjafinn sé ekki varinn af starfi lagaprófessora sem hafa fasta stöðu við þingið og hvers vegna við þingið sé ekki starfandi lagaráð eða lagaskrifstofa sem hefur það hlutverk að lesa yfir lagafrumvörp sem lögð eru fram. „Hér þarf að taka til. Hér er verk að vinna. Í raun er búið að flytja lagasetningarvaldið út til ráðuneytanna í skjóli langrar hefðar meirihlutastjórna. Þetta er algjörlega óásættanlegt. [...] Þessi staða Alþingis er algjörlega óásættanleg og í raun óþolandi. Alþingi má ekki stunda kranalagasetningu og samþykkja frumvörp nánast órædd frá aðilum úti í bæ. Ekkert hefur breyst þrátt fyrir allsherjarhrun heillar þjóðar.“"

Þetta er bara nokkuð gott hjá henni. Finnst mér.

[Veffari (IP-tala skráð) 15.4.2010 kl. 13:16]

Bullukollur

[Jón Ingi Cæsarsson, 15.4.2010 kl. 16:55]

Merkilegt að þeir séu til sem geta réttætt stíl og framkomu þessa þingmanns fyrir sér.

[Stefán Lárus Pálsson, 15.4.2010 kl. 21:20]

Þig vantar víðsýni karlinn ninn. Þín yfirsýn er þröng, óskýr og lituð af flokkshollustu, greinilega! "Sannleikanum er hver sárreiðastur", segir máltækið, það á við framsögn Ástu þingforseta.