Eldfjall í aðdraganda eldgoss.

 

Það er mjög fróðlegt og áhugavert að fylgjast með þróun í Eyjafjallajökli síðustu vikur.

Stöðug skjálftavirkni hefur verið á miklu dýpi undir fjallinu. Þetta er að mig minnir fjórða hrinan sem þarna gengur yfir en þessi atburðarás hófst á síðasta áratug og innskot hafa þrengt sér inni sprungukerfin undir fjallinu. Í sumum hrinum hefur mælst gas frá kvikunni á yfirborði.

 

En hrinan núna er bæði ákafari og lengri en nokkur önnur og nú hefur verið öryggisviðbúnaður á svæðinu í hálfan mánuð.  Það gengur á með öflugum kviðum en dúrar á milli og nú hefur verið dúrtímabil en samt er alltaf stöðug virkni.

Fjallið hefur þanist út og ótrúlega mikið á síðustu þremur til fjórum vikum. Það má segja að í jarðfræðilegum skilningi sé fjallið á fleygiferð... til suðurs og vesturs.

Á myndinni sem ég skaut hér með sést vel fjallabálkurinn sem undir er í þessari atburðarás því í þau fáu skipti sem Eyjafjallajökull hefur gosið frá landnámi hefur Katla fylgt í kjölfarið og á þá ógnareldstöð er komin tími núna... svo sannarlega.

Athugasemdir

[Ragnar Eiríksson, 20.3.2010 kl. 11:46]

Nú hafa skjálftarnir grynnkað verulega á sér, margir eru á 500- 1500 m dýpi.    Hvað skyldi það þýða - er kvikan komin upp í rætur fjallsins og fer þá ekki að styttast í gos?

Ragnar