Enn ein hrinan á svæðinu norðan Vatnajökuls.

 

Enn ein hrinan gengur nú yfir á svæðinu nærri Öskju. Um daginn bloggaði ég um þetta svæði og þá stóð yfir hrina nærri Dyngjufjalladal.

Nú stendur yfir hrina sem er við Herðurbreiðartögl norðanverð og er nokkuð kröftug. Síðan í nótt hafa verið í gangi skjálftar sem eru á 3 - 8 km. dýpi og eiga flestir upptök 5 km. sunnan Herðurbreiðar. Einnig hefur borið á skjálfum við Upptyppinga á sama tíma.

Samtals hafa þarna orðið hátt í hundrað skjálftar og hrinan er á fulli í þessum skrifuðum orðum.

Einhvernvegin hefur maður Öskju grunaða um að gefa eftir í þessu ástandi því þar eru veikleikarnir mestir. Sem leikmanni finnst manni líklegt að þarna sé innstreymi kviku þó auðvitað geti þetta verið plötuhreyfingar. Þetta svæði er með þeim virkustu á landinu þó hafi verið rólegt þar með tilliti til eldgosa síðan 1961.

Það verður fróðlegt að fylgjast með þessari hrinu og enn fróðlegra er að geta sér til hvar á svæðinu verið næst svipuð uppákoma. Þeir atburðir sem verið hafa undanfarin misseri eru allt umhverfis megineldstöðina í Öskju, svo mjög að það vekur athygli. Sérfræðingar halda því fram að skjáftarnir við Upptyppinga eigi sér stað á öðru kerfi ... þ.e. Kverkjallareininni.

Myndin sem fylgir er frá því rúmlega 17.00 í dag.