Öxnadalur er náttúruperla.

 Öxnadalur er náttúruperla sem ótrúlega margir láta framhjá sér fara. Það er brunað í gegn í leið til eða frá Akureyri. Þó taka flestir eftir Hraundranga og margir vita um Jónas Hallgrímsson, svo er það upp talið.

Það er hægt að eyða heilum degi í dalnum við að kíkja á það sem er sérstakt og er mikils virði að skoða.

Örfá dæmi. Hraunsvatn, Drangafjall og umhverfi, Hraun, gilið við Gil, Gloppufjall, Vaskárdalur, Jónasarlundur, Þverbrekkuvatn, Miðhálsstaðaskógur og ýmilegt fleira sem upp mætti telja.

Og svo mega menn velta fyrir sér hvar þessi mynd er tekin.

Athugasemdir

[Guðjón Sigþór Jensson, 31.3.2008 kl. 09:09]

Eigi veit eg það svo gjörla en töluverður svipur er með Kistufelli og Gunnlaugsskarði í Esjunni sunnanverðri. Þarna hefur orðið mikið berghrun rétt eins og vestan Kistufells.

Því miður er ferðast allt of hratt um Öxnadalinn sem víðar á landinu. Mig hefur alltaf langað til að leggja lykkju á leið mína þegar eg hefi verið á ferðinni um  dal þennan, t.d. inn Hörgárdal. En aldrei hefur verið tími til þess.

Kveðja norður heiðar.

Mosi