Flokkaflakk af guðsnáð.

Mér hefur alltaf fundist sérkennilegt þegar menn geta kúvent og stokkið til annarra flokka, jafnvel gjörólíkra. Frændi minn blessaður Kristninn H Gunnarsson sest nú á þing fyrir enn einn flokkinn. Fyrst var það Alþýðubandalagið, sósjalistaflokkur með þrönga sýn og gamaldags gildi.

Næst var það Framsókn því Kristin leist ekki á að hann fengi frama innan Samfylkingar eða VG. Þetta var ekki það að Kristinn hefði stökkbreyst í hægri hækjuflokks náunga á einni nóttu heldur var þetta bara að bjarga eigin skinni.

Og það sannast nú. Nú er Kristinn kominn í Frjálslyndaflokkinn sem er flóttamannaflokkur úr Sjálfstæðisflokknum og með vafasamar skoðanir í innflyténdamálum og óræðar skoðanir á flestu nema kvótamálum.

Og þarna hefur Sleggjan komið sér vel fyrir og hefur tryggt sér vinnu næstu fjögur árin en félagi hans sem vék fyrir honum og færði sig í Norðaustrið náði ekki kjöri né heldur varaformmaður flokksins. Það er ekki hægt að segja annað en Kristinn H oti sínum tota og komi sér vel fyrir á nýjum stað. Skítt með hugsjónir .... hvað er nú það ?

Kristinn: Afskaplega ánægður með niðurstöðuna

Athugasemdir

[Katrín, 14.5.2007 kl. 00:37]

Sæll frændi, mér þykir leitt að þú skulir meta hann frænda þinn á þennan hátt. Margir hafa skipt um flokka á lífleiðinni ss Jóhanna Sigurðardóttir, Össur Skarphéðinsson og fleiri en einhvern veginn hefur það passað andstæðingum Kristins að kalla hann flokkaflakkara með neikvæðum formerkjum. Ef þú skoðar nú málflutning hans í gegnum árin getur þú séð að engin kúvending hefur orðið þar, hans hugsjónir standa enn enda hugsjónir ekki myndaðar af flokkum . Vertu svo sæll frændi og gaman að sjá þig og ,,heyra¨á blogginu. Vona samt að við systkinabörnin getum hist við gott tækifæri.

Kveðjur úr Bolungarvík

Katrín Gunnarsdóttir

[Katrín, 14.5.2007 kl. 00:37]

Sæll frændi, mér þykir leitt að þú skulir meta hann frænda þinn á þennan hátt.  Margir hafa skipt um flokka á lífleiðinni ss Jóhanna Sigurðardóttir, Össur Skarphéðinsson og fleiri en einhvern veginn hefur það passað andstæðingum Kristins að kalla hann flokkaflakkara með neikvæðum formerkjum.  Ef þú skoðar nú málflutning hans í gegnum árin getur þú séð að engin kúvending hefur orðið þar, hans hugsjónir standa enn enda hugsjónir ekki myndaðar  af flokkum .   Vertu svo sæll frændi og gaman að sjá þig og ,,heyra¨á blogginu.  Vona samt að við systkinabörnin getum hist við gott tækifæri.

Kveðjur úr Bolungarvík

Katrín Gunnarsdóttir