Einræðistilburðir forsætisráðherra.

Sigmundur Davíð Gunnlaugsson forsætisráðherra, lagði fram frumvarp til breytinga á lögum um Stjórnarráð Íslands frá árinu 2011, á Alþingi 3. desember síðastliðinn. Í frumvarpi forsætisráðherra er meðal annars lagt til að sú breyting verði gerð á lögunum, að það verði framvegis í valdi hvers ráðherra að ákveða um aðsetur stofnana sem undir hann heyra

_______________

Forsætisráðherra Íslands er skrítinn tappi.

Dálítið hallærislegur og mikið gert grín að honum.

Skrípamyndir og brandarar eru daglegt brauð.

Fólki finnst þetta nett fyndið og brosir út í annað.

En SDG er ekkert grín.

Hann hefur sýnt af sér meiri einræðistilburði og undarlega sýn á hluti.

Hann kveinkar sér undan umfjöllun fjölmiðla og aftur og aftur setja hann eða "Snatarnir" hans út á skrif fjölmiðla.

Allir eru voðalega vondir við hann og flest er misskilningur.

Nýjasta málið er hér til umfjöllunar í Kjarnanum en þar er dregið fram hvernig forsætisráðherra er að reyna að draga vald frá Alþingi til einstakra ráðherra.

Fleiri slík mál hafa dúkkað upp á stuttum valdaferli SDG.

SDG er ekkert grín, hann hefur stórhættulega og einræðislega sýn á landmálin og lýðræðið og ritfrelsið er honum að mestu leiti framandi.

Sennilega er þetta alvarleg minnimáttarkennd sem rekur ráðherrann út í þessa stefnu.

Hann vill ekki fá gagrýni og hann vill ráða málum einn og tekur lýðræðislegri umfjöllun illa.

Svona stjórnmálamenn eru ekkert grín, þeir eru hættulegir.

 

 

Athugasemdir

[Elín Sigurðardóttir (IP-tala skráð) 18.12.2014 kl. 07:04]

Borgin hunsar vilja 73% borgarbúa og 82% landsmanna í flugvallarmálinu.  Á maður að skrifa þá einræðistilburði á Jón Gnarr eða Dag B. Eggertsson?  Erum við kannski að tala um hættulegt Tvíhöfðagrín?   

[Ásmundur (IP-tala skráð) 18.12.2014 kl. 15:14]

Það er auðvitað algjörlega fráleitt að einn maður hafi vald til að flytja stofnanir landshorna á milli að eigin geðþótta.

Þetta er svo galin hugmynd að ég trúi því ekki fyrr en á reynir að Alþingi samþykki að veita ráðherra slíkt vald. Þetta er beinlínis hrollvekjandi ekki síst í ljósi þess að reynslan sýnir að dómgreind ýmissa ráðherra er oft af skornum skammti.

Elín, veistu virkilega ekki hvað einræði er? Ákvörðunin um að flugvöllurinn í Vatnsmýri yrði lagður niður var tekin með lýðræðislegu-m hætti í borgarstjórn. Mikill meirihluti borgarfulltrúa var á bak við þá ákvörðun.