Engin sátt um stefnu Sigmundar Davíðs og ráðuneytis hans.

Hann trúir því að deilan leysist, svo mikið sé undir en segir ekki hefð fyrir því að stjórnvöld grípi inn í kjaradeilur. 

„Við fylgjumst með þessu og vonum að menn nái að semja um niðurstöðu og í framhaldinu verði sátt meðal þjóðarinnar um uppbyggingu heilbrigðisþjónustu, bæði hvað varðar starfskjör en líka starfsaðstæður,“ segir Sigmundur Davíð. 

 http://ruv.is/frett/sigmundur-segir-verkfall-laekna-ahyggjuefni

( ruv.is )

Núverandi stjórnvöld vilja ekki semja við lækna.

Núverandi stjórnvöld hafna því að byggja upp Landspítalann.

Núverandi stjórnvöld skera niður til heilbrigðismála.

Satt að segja er mér hulin ráðgáta um hvaða sátt forsætisráðherra er að tala.

Þetta ástand er á ábyrgð hans og ríkisstjórnar hans.

Þeir reka harða niðurskurðarstefnu í heilbrigðismálum.

Þeir lækka skatta og gjöld á stóreignamenn og sólunda fé ríkissjóðs í vafasama gjörninga.

Það væru stórum meiri líkur á sátt í samfélaginu ef ráðuneyti Sigmundar Davíðs segði sig frá stjórn landins og við tækju stjórnvöld sem hafa skilning á því hvað þarf að gera til að ná þeirri sátt sem forsætisráðherra talar um.

Innantóm snakk án stefnu og markmiða er ekki samningsgrundvöllur við þjóðina.