Af seðlabankastjórum, lögreglustjórum og fleira fólki.

Þjóðin fylgist spennt með nýjustu vafningum Bjarna Benediktssonar formanns Sjálfstæðisflokksins.

Á dagskrá er að skipta út Má Guðmundssyni núverandi seðlabankastjóra fyrir annan þóknanlegri flokknum.

Flestir sjá hver kandidat Bjarna er. Það á að ráða til starfans ( flokkhollann ? ) umsækjanda sem nú þegar situr í stjórn bankans.  

En til að færa þetta í búning fagmennsku hefur Bjarni ákveðið að lögreglustjóri nokkur, ásamt tveimur öðrum ( flokkshollum ? ) hefur verið fenginn til að leggja " faglegt " mat á umsækendur.

Hvað það er sem lögreglustjórar hafa til brunns að bera, til að leggja mat á næsta seðlabankastjóra skal ósagt látið, enda skiptir það engu máli.

Fyrir síðan ótrúlega tilviljun er þessi sami lögreglustjóri ( flokkshollur ? ) búinn að sækja um feitt embætti sem varaformaður FLOKKSINS hefur á sinni könnu, embætti forstjóra Samgöngustofu.

Þá má sjá fyrir sér VAFNING sem gengur út á að lögreglustjórinn gefur hentuga umsögn um seðlabankastjórann og í verðlaun verður síðan afar góð og hentug umsögn um forstjóra Samgöngustofu.

BINGÓ, tveir ( flokkshollir ? ) komir á " rétta " staði fyrir FLOKKINN.

Það má hrósa formanni Sjálfstæðisflokksins fyrir að hafa mikið vit á vafningum sem leiða til  " réttar " niðurstöðu. 

 

Athugasemdir

[Úrsúla Jünemann, 9.7.2014 kl. 14:07]

Jahá, frábært! Hversu lengi eigum við að láta okkur bjóða siðleysinu sem á sér stað hér á landi?

Ég man eftir frábærri skopmynd í Fréttablaðinu þar sem Sigmundur Davíð heldur á strengjabrúðu (Már seðlabankastjóri) og vælir: Ég vill annan, þessi virkar ekki!