Sjómannadagurinn á Akureyri.

 

Sjómannadagurinn á Akureyri var nánast horfinn og fór orðið mjög lítið fyrir hátíðarhöldum og ásýnd dagsins orðin klén.

Svo tóku sig til sjómenn, Húni II og félagar og fleiri og hófust handa við að endurreisa daginn.

Það er að skapast hefð á hópsiglingu frá Sandgerðisbót inn á Poll með Húna II í broddi fylkingar.

Hátíðarhöld á Torfunefi og skemmtun að Hömrum. Allt gerir þetta daginn skemmtilegan og sýnilegan enda væri það afar leitt að Akureyri með alla sína sögu og útgerð nyti ekki hátíðarhalda á þessum degi sjómanna.

 

 

Dagurinn í dag byrjaði með þoku en meðan á hópsiglingunni stóð glaðnaði til og á fáeinum augnablikum varð skafheiðríkt og fjörðurinn og bærinn skartaði sínu fegursta.

Myndir... Húni II á siglingu... áhöfn skipsins og falleg landsýn til Strandgötu utan af Pollinum.

 

       

 

Athugasemdir

[Óskar Þorkelsson, 6.6.2010 kl. 19:01]

hver er þessi myndarlegi með kaskeitið og skuggana ?

[Víðir Benediktsson, 6.6.2010 kl. 19:27]

Jón, þetta er einhver flottasta mynd sem ég hef séð af Húna. Henni verður stolið.

[Jón Ingi Cæsarsson, 6.6.2010 kl. 21:51]

Verði þér að góðu :-)

[Jón Ingi Cæsarsson, 6.6.2010 kl. 21:56]

Viltu þá ekki fá alvöru eintak frekar en taka það hér ?

[Víðir Benediktsson, 6.6.2010 kl. 22:49]

Myndi þiggja það með þökkum Jón. Þessi mynd er stórglæsileg. [e-mail]