Fámenn stétt með ofurlaun.

 

"Stjórn BSRB lítur það því mjög alvarlegum augum að stjórnvöld skuli hafa haft uppi hótanir um að grípa inn í kjaradeilu með lagasetningu á löglega boðaðar verkfallsaðgerðir og brjóta þar með á grundvallarréttindum launafólks."

Ég held að sjónarmið stjórnar BSRB njóti lítils hljómgrunns hjá almennum félögum innan BSRB.

Við sem erum á launum himinn og haf neðan við 900 þúsund króna tekjur flugumferðarstjóra á mánuði skilum ekki ályktun stjórnar BSRB.

Kannski verða þeir að gera þetta svona fyrir lúkkið...en flestir skilja vel þau áform að verði að stöðva verkfallsaðgerðir sem muna valda stórkostlegu tjóni fyrir land og þjóð auk þess tjón sem flugfélögin verða fyrir í erfiðu árferði.

Samúð mín er hjá stjórn BSRB að verða að segja þetta... trúlega með blendum huga.

Líta hótanir stjórnvalda alvarlegum augum

Athugasemdir

[Ólafur Björn Ólafsson, 19.3.2010 kl. 15:21]

Ég er almennt á móti því að ríkið beiti sér fyrir lögum sem brjóta á rétti stéttarfélaga til notkunar verkfalls sem þvingunarleið...

Það að flugumferðastjórar hafi 900.000 kr. í tekjur á mánuði kemur málinu bara ekkert við.

Það er verkafallsrétturinn sem er til umræðu. Ef hann er tekinn af með lögum og ekkert er sagt við því, þá kemur ríkið bara með sama útspil þegar aðrir hópar fara í verkfall...

Hitt er svo að það er fáránlegt að flugumferðastjórar fari fram á launahækkun þegar sauðsvartur almúginn þarf að lifa á 1/3 af þessu oft minna.

Kveðja 

Kaldi

[Jón Ingi Cæsarsson, 19.3.2010 kl. 15:45]

Sammála... verkfallsréttur er heilagur...en hann er líka vandmeðfarinn og þegar hann er misnotaður þarf að grípa til einhvers.

[Gína (IP-tala skráð) 19.3.2010 kl. 16:10]

Ég er í SFR sem er eitt aðildarfélaga innan BSRB. Allir sem voru með 200 þús og yfir fengu enga launahækkun. Mér finnst það ansi einkennilegt að flugumferðarstjórar sem eru hálaunastétt geti heimtað hærri laun á meðan þeir sem rétt skrimta fá enga hækkun. Eða eru bara þeir láglaunuðu sem eiga að sitja eftir og blæða í kreppunni? Hef enga trú lengur á BSRB eða öðrum stéttarfélögum.

[Ólafur Björn Ólafsson, 19.3.2010 kl. 16:26]

Sjálfur er ég þeirrar skoðunnar að ekki hafi verið til virkt verkalýðsfélag í áratugi.

Sumir vilja meina að verkalýðsfélögin hafi dáið þegar Jakinn fór yfir móðuna miklu.

Kaldi