Of gott til að vera satt ?

 

Sigmundur Davíð formaður Framsóknarflokksins hefur verið rólegur, samvinnufús og tiltölulega jákvæður síðustu daga. Það hefur gefið ýmsum vonir um að hann sé að átta sig á tilgangsleysi upphrópana og æðisviðbragða við öllum málum.

Margir voru farnir að vona að formaðurinn væri byrjaður að átta sig á mikilvægi samstöðu og samvinnu á þinginu.

En óneitanlega hrekkur maður við þegar maður sér að formaðurinn ætlar enn að taka annan pól í hæðina en hinir þegar kemur að Icesave. Icesave er eins og kunnugt er á heilanum á formanni þessa annars ágæta flokks.

Ef á að ná einhverjum öðrum samningum en þeim sem þegar liggur fyrir er skilyrðið að allir gangi í takt og viðsemjendur okkar geti treyst því að það sé pólítísk sátt sé um málið og ekki von á frekari uppákomum ... enda hver vill hafa svona mál hangandi árum saman.

Því setur að manni hroll þegar formaður Framsóknarflokksins, þessi sem hefur verið í fríi að undanförnu, formaðurinn sem ekki vill og getur unnið í takt birtist á ný... þá heldur þetta mál áfram að vera þjóðinni til stórtjóns og milljarðakostnaður hleðst upp á viku hverri sem það er óleyst..

En vonum það besta og gerum ráð fyrir að þetta séu fráhvarfseinkenni sem hverfa á ný ..

Vill kjósa um Icesave þótt nýr samningur verði gerður

Athugasemdir

[Carl Jóhann Granz, 10.2.2010 kl. 09:27]

"þessi sem hefur verið í fríi að undanförnu, formaðurinn sem ekki vill og getur unnið í takt birtist á ný... þá heldur þetta mál áfram að vera þjóðinni til stórtjóns og milljarðakostnaður hleðst upp á viku hverri sem það er óleyst.."

Alveg lýsandi setning á formanni þínum henni Jóhönnu Sigurðar.