Verið að vinda ofan af óréttlæti Sjálfstæðisflokksins.

 

Skattbyrði lægri og millitekjuhópa jókst mikið á árunum frá 1995 fram á þessa öld. Það var meðvituð stefna Framsóknar og Sjálfstæðisflokks að lækka skatta á háar tekur og fjármagnstekjur.

Þetta gerði það að verkum að hin " ríka stétt " á Íslandi var markvisst hyglað af þeirri kolbláu íhaldsstjórn sem sat í 12 ár. Á meðan jókst skattbyrði fólks með lágar og millitekjur stórlega. Þetta var hægri skattastjórn eins og hún er svæsnust og svæsnari en allstaðar í kringum okkur.

Nú hefur ríkisstjórn Jóhönnu Sigurðardóttur snúið dæminu við og skattkerfi og skattbyrði létt á lágum og lægri millitekjum, stendur í stað hjá millitekjufólkinu en hækkar á hátekjufólki og fjármagnseigendum.

Þarna sjást þess skýr merki að hér situr stjórn jafnaðarmanna og félagshyggjufólks og skattastefnu hægri íhaldsafla kastað fyrir róða.

Við stefnum inn í umhverfi norræns velferðarmódels og skattakerfis... undir stjórn Samfylkingar og VG.

Það vel og allir sem vilja og sjá að þessar skattabreytingar eru eins réttlátar og hægt er að búast við í því ástandi sem við nú búum við.

Óréttlæti áranna undir stjórn Sjálfstæðisflokksins er lokið.

Lægri lágtekjuskatt og meiri stóreignaskatt

Athugasemdir

[Víðir Benediktsson, 19.11.2009 kl. 19:30]

Íhaldsstjórnin sat í tæp 18 ár. Ýmist með Jafnaðarmönnum eða Framsókn. Hafa skal það sem sannara reynist.

[Jón Ingi Cæsarsson, 19.11.2009 kl. 21:00]

Einkavæðingin og breytingar á skattkerfinu til hagsbóta fyrir hina ríkari hófst með tilkomu Framsóknarhækjunnar 1995. Stærstu skrefin voru stigin á árunum 1998 - 2003. Þá lögðuðst þeir á árarnar Finnur Ingólfsson, Ólafur Ólafsson og Gunnlaugur faðir framsóknarformannsins, með Sjálfstæðisflokknum við að tryggja sér eigur ríkisins og hagstætt skattaumhverfi.

[Víðir Benediktsson, 19.11.2009 kl. 21:24]

Rétt hjá þér Jón. Allt hófst þetta með því að Jafnaðarmenn komu Sjálfstæðisflokknum til valda 1991 og síðan tók Framsókn við. Þegar því ævintýri lauk komu jafnaðarmenn aftur til sögunnar og tryggðu sjálfsstæðisflokknum áframhaldandi völd. Reyndar engir jafn duglegir og jafnaðarmenn að vera í hlutverki íhaldshækjunnar s.l. 50 ár.