Aðgerðapakkar á leiðinni.

Greiðslubyrði lána verður færð aftur fyrir hrun, að því er fram kemur á visir.is. Það sem eftir stendur af lánum að lánstíma loknum verður afskrifað, samkvæmt aðgerðum sem ríkisstjórnin kynnir á næstu dögum.

Aðgerðaáætlanir verða kynntar á næstu dögum. Árni Páll kynnti málin á flokkstjórnarfundi Samfylkingarinnar í dag.  Ljóst er að eftir stendur að nokkur hópur fólks eða ef til vill um 20% skuldara þurfa síðan á sérstakri skoðun á sínum málum umfram almennu aðgerðirnar.

Það er svolítið sorglegt að fylgjast með viðbrögðum sumra. Það hefur verið kallað eftir aðgerðum lengi og flestir vita að það hefur verið afar flókið að koma þessum málum í höfn. Bankarnir hafa ekki spilað með af þeim þrótti sem ætlast var til en nú er líklegt að búið sé að tryggja það að þeir sjái ljósið enda í eigur ríkisins og þeim stjórnað með hag heildarinnar í huga en ekki þröngra bankahagsmuna eins og þeirra sem leiddu okkur þangað sem við nú erum.

Í stað þess að fagna og leyfa sér smá bjartsýni leggjast menn í gömlu neikvæðu umræðuna.... og geta ekki glaðst eða vonað. Það væri nú allt í lagi að leyfa sér örlitla bjartsýni og jákvæðni af og til... hitt er svo fjandi erfitt og þreytandi fyrir sálina.

 

 

Greiðslubyrði aftur fyrir hrun

Athugasemdir

[Marinó G. Njálsson, 26.9.2009 kl. 22:36]

Jón Ingi, það hefur ekkert komið fram hvað verði nákvæmlega gert, þannig að fólk á alveg rétt á því að vera skeptiskt.  Í febrúar var talað um að slá skjaldborg um heimilin.  Mér vitanlega er hún ekki komin.  En ég er bjartsýnn á að eitthvað gerist núna og ÁPÁ fær stóran plús a.m.k. meðan ekkert óvænt kemur í ljós.

[Víðir Benediktsson, 26.9.2009 kl. 23:09]

Lauslega útreiknað er þetta 20% niðurfelling skulda. M.ö.o. framsóknarleiðin sem ekki var hægt að fara fyrir nokkrum mánuðum, he he.

[Henrý Þór (IP-tala skráð) 26.9.2009 kl. 23:32]

Þetta er ógagnsæ leið. Og mér virðist sem það eigi að skipta út tengingu við vísitölu neysluverðs í tengingu við launavísitölu. Hvernig selur þú íbúð með áhvílandi láni þegar eitthvað svona ógagnsætt apparat er á láninu sem Árni Páll segir muni afskrifa eftirstöður við lok lánstímans. En stjórnvöld framtíðarinnar geta í raun afturkallað hvenær sem er og látið fólk borga alla upphæðina. Þetta kallast ógagnsæi. Þetta gerir fólki erfitt fyrir að sjá fyrir sér kostnað lána, og gerir eignir með áhvílandi lánum sem tekin voru 2007 og fyrr óeftirsótt, sem þau eru þrátt fyrir allt ekki eins og staðan er í dag, ef skuldsetning er ekki þeim mun meiri.

Ef eitthvað er svo fljótara að fara upp á við en verðlagsvísitala þá hlýtur það að vera launavísitala. Og varla sanngjarnt að það sem Sigurðar Einars þessa lands hafi í laun hafi áhrif á hve mikið ég þurfi að borga af mínu láni þótt laun mín standi í stað eða lækki.

Svo er fólk skeptískt því Samfylkingarráðherrar hafa áður boðað lausnir fyrir heimilin sem síðan hafa ekki staðist. Ingibjörg Sólrún kynnti á blaðamannafundi í oktobér í fyrra, ef ég man rétt, að barnabætur skyldu greiðast mánaðarlega. Hvað er að frétta af því?

Svo ætti Árni Páll að skilja að allar svona hálfkáraðar og óljósar hugmyndir frá ráðherrum geta haft slæm áhrif á fasteignamarkaðinn og yfirvofandi samninga. Hvernig á fólk að snúa sér sem ætlar að kaupa sér íbúð núna eftir helgi? Bara slá hlutunum á frest og bíða þangað til Árni Páll klárar að koma þessu gegnum ríkisstjórn? Afhverju þurfti að leka þessu einhverjum óráðnum tíma fyrir tilkynningu?

Annars væri voðalega gaman ef menn gætu hætt að tala á einhverjum flokkslínum. Er það bara þannig að einhver einn í Samfylkingingunni þarf að opna á sér munninn á undan hinum og þá eru orð hans sjálfkrafa orðin skoðun og afstaða allra flokksmanna? Eða er pláss fyrir hlutlægni?

[Jón Ingi Cæsarsson, 26.9.2009 kl. 23:58]

Víðir...  Dæmi : Björgúlfur á ekki að fá niðurfelld 20% af 15 milljarða skuldinni sinni eins og gerst hefð ef flöt niðurfærsla hefði verið gerð... andaðu með nefninu... þetta er allt annað og verður kynnt fljótlega.

Henrý...ef þú heldur að Árni Þór sé að vinna þetta einn þá er það ekki svo...

Eigum við ekki að bíða með að gagnrýna þangað til við vitum nánar hvað er verið að leggja til... og hvað varðar mánaðarlegar greiðslur barnabóta var það markmið sem sett var fram fyrir tveimur ríkisstjórnum og stjórnarsáttmálum síðan og dálítið skerst möguleikar á slíku....ef þú hefur misst af því ;-)

En það er svo sem ekkert að því að þið félaga ætlist til að þetta fólk vinni ofurmannleg kraftaverk á fáeinum vikum eftir kosningar við að redda mesta hruni Íslandssögunnar.. en gott að þið hafið þá trú og ætlist til þess... en það gæti nú alveg verið að það gengi ekki eins hratt og þið vilduð... og kannski ætlist þið til aðeins of mikils..en þetta kemur allt saman.

[Henrý Þór (IP-tala skráð) 27.9.2009 kl. 00:18]

Þetta skrifast alfarið á bloggskrif Árna Páls sem þurfti að fella einhverjar pólitískar keilur, væntanlega til að reyna að afstýra greiðsluverkfalli einn og óstuddur, eins og einhver hetja. Þetta svar í raun styður athugasemd mína við málið. Það er fáránlegt af honum að henda þessu inn á borð hálfklárað. Það á ekki að þurfa að vera meiri óvissa varðandi lánamál og húsnæðismarkað. Svona hluti á að kynna á blaðamannafundum þegar ÍLS er tilbúinn til að setja þetta í framkvæmd. Svona hluti á ekki að birta á bloggsíðum einstakra ráðherra, og hanga síðan í lausu lofti hálfsannleika og óvissu í einhvern óráðinn tíma þar á eftir. Þetta eru léleg vinnubrögð.

[Óðinn Þórisson, 27.9.2009 kl. 09:24]

Ríkisstjórnin er með og á móti vikjunum - framsóknarflokkurinn ákvað að verja vinstriflokkana falli með það að fyrsta má á dagskrá yrði aðgerðir fyrir heimilin - skjaldborgin er ekki komin - nú viðurkennir jóhanna að icesave sé nánast komið á núllpunkt og virðist vera að viðurkenna að hún sé úrræðalaus - ríkisstjórn hefur hangið á málum, - ef eitthvað er að gerast þá fagna ég því en ég efa það að það sem ápá er að koma fram með breyti einu eða neinu - kanski er best fyrir jóhönnu að vera týnd frá fjölmiðlum - stjórmálamaður sem hefur engan boðskap eða lausnir er best geymdur týndur -